ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ မအူပင်မြို့နယ်တာဝန်ခံ ဦးအောင်ဇော်ဦး နှင့် ဝန်ထမ်းများသည် ၂၆.၉.၂၀၂၂ ရက်နေ့ နံနက်(၀၉:၀၀) အချိန်တွင် မအူပင်မြို့နယ် ကမ်းနားလမ်းရှိ မြို့မဈေးအတွင်း ကုန်မျိုးစုံ၊ မုန့်မျိုးစုံ ရောင်းချနေသောဆိုင်(၁၂)ဆိုင်မှ ဈေးကွက်ရောက် ကုန်စည်များအား မအူပင်စည်ပင်သာယာရေးအဖွဲ့နှင့်အတူ ဈေးကွက်စောင့်ကြ့စစ်ဆေးခဲ့ကြပါသည်။
ထိုသို့ဈေးကွက်စောင့်ကြည့်စစ်ဆေးရာတွင် မအူပင်မြို့မဈေးကြီးအတွင်းရှိ ဈေးကွက်အတွင်း ရောင်းချနေသော ကုန်စည်များသည် စားသုံးသူများအတွက် ဘေးအန္တရာယ်ကင်းရှင်းစေပြီး ထုတ်ကုန် လုံခြုံစိတ်ချရမှုရှိစေရန်နှင့်၊ ကုန်စည်များတွင် ကုန်စည်၏ တံဆိပ်အမှတ်အသား၊ အမျိုးအမည်၊ အရွယ် အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်ရက်စွဲ၊ သက်တမ်းကုန်ဆုံးရက်စွဲ၊ ကုန်ကြမ်းပစ္စည်း၊ အမျိုးအမည်နှင့် ပစ္စည်းပမာဏ၊ ပါဝင်မှု အချိုးအစား၊ ကျန်းမာရေးဆိုင်ရာ ဘေးထွက်ဆိုးကျိုး၊ ဓါတ်မတည့်ကြောင်းဖော်ပြချက်၊ ကြိုတင်သတိပေးချက်၊ သက်ဆိုင်ရာ အစိုးရဌာနများက ဖော်ပြရန်သတ်မှတ်ချက်နှင့် ကုန်အညွှန်းအမှတ်အသားများကို မြန်မာဘာသာဖြင့် (သို့) မြန်မာဘာသာနှင့် အခြားဘာသာတွဲလျှက် ဖော်ပြထားသော ကုန်စည်များ ရောင်းချ ခြင်း ရှိ/ မရှိကို စစ်ဆေးဆောင်ရွက်ခဲပြီး ကုန်မျိုးစုံ ရောင်းချသော ဆိုင်ရှင်များအား လုပ်ငန်းရှင်တို၏ တာဝန်များ၊ ကုန်စည်နှင့်စပ်လျဉ်း၍ အာမခံချက်ပေးခြင်း အချက်အလက်များ၊ စားသုံးသူကာကွယ်ပေးရေးဥပဒေ အခန်း(၁၆) ဘေးအန္တရာယ်ရှိသော ကုန်စည်ကို ဈေးကွက်အတွင်းမှ ပြန်လည် သိမ်းဆည်းစေခြင်း (သို့) ရောင်းချဖြန့်ဖြူးခြင်းကို တားမြစ်ခြင်းနှင့် ဘေးအန္တရာယ်ရှိသော ဝန်ဆောင်မှုကို တားမြစ်ခြင်းစသောအကြောင်းအရာများကို အသိပညာပေး ဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)