ရှမ်းပြည်နယ်(မြောက်ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံး လက်အောက်ရှိ ခရိုင်/မြို့နယ်မှ ဝန်ထမ်းများသည် ဈေးကွက်အတွင်း ရောင်းချလျက်ရှိသော ကုန်စည်များထုတ်ကုန် လုံခြုံစိတ်ချမှုရှိစေရေးအတွက် ဈေးကွက်စောင့်ကြည့်စစ်ဆေးမှုလုပ်ငန်းများ ဆောင်ရွက်လျက်ရှိရာ လားရှိုးခရိုင်မှ မြို့မဈေးကြီးနှင့် ဘူတာဈေးအတွင်းရှိ ကုန်မျိုးစုံရောင်းဝယ်ရေးဆိုင်များ ကျောင်းမုန့်ဆိုင်နှင့် ရပ်ကွက်တွင်းရှိ လက်လီဆိုင်များ၊ စက်သုံးဆီအရောင်းဆိုင်များအား ကွင်းဆင်းစစ်ဆေးဆောင်ရွက်ခဲ့ပါသည်။
အလားတူ ကျောက်မဲခရိုင်အတွင်မှလည်း စားသောက်ကုန်ပစ္စည်းအရောင်းဆိုင်များ၊ ရပ်ကွက် ထဲရှိ လက်လီဆိုင်များ၊ ဈေးကြီးအတွင်းရှိ ကုန်မျိုးစုံဆိုင်များအားလည်းကောင်း၊ မူဆယ်ခရိုင်အတွင်း မှလည်း ဈေးကွက်အတွင်းရှိကုန်မျိုးစုံရောင်းဝယ်ရေးဆိုင်များ၊ ရပ်ကွက်အတွင်းရှိ လက်လီဆိုင်များ သို့သွားရောက်ကြပြီး တရားမဝင်မှတ်ပုံတင်ခြင်းမရှိသည့် ကုန်စည်များ၊ စားသုံးရန်မသင့်သော တားမြစ်ထားသောအစားအစာများ၊ သက်တမ်းလွန်အစားအစာများ ရောင်းချမှုရှိ/မရှိနှင့် ကုန်စည်များပေါ်တွင် ဖော်ပြရမည့် ကုန်အညွှန်းအမှတ်အသားများ ဖော်ပြထားရှိမှု ရှိ/မရှိ ဈေးကွက်စောင့်ကြည့်စစ်ဆေးခြင်းတို့ကို ဆောင်ရွက်ကြရာမှာ စက်တင်ဘာလအတွင်း အကြိမ်ပေါင်း(၁၄)ကြိမ် စစ်ဆေးဆောင်ရွက်နိုင်ခဲ့ကြောင်းသိရှိရပါသည်။
DOCA(ရှမ်း)