ရှမ်းပြည်နယ် (အရှေ့ပိုင်း) ၊စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည် ၂၀၂၂ - ခုနှစ် အောက်တိုဘာလ (၄)ရက်နေ့ နေ့လည်(၁၃:၃၀) အချိန်တွင် ကျိုင်းတုံမြို့ အမှတ်(၄)ရပ်ကွက် မိုင်းယန်းလမ်းရှိ ဒေါ်နန်းဟွမ်ခမ်း၏ “ရွှေဆင်” ပဲငံပြာရည်လုပ်ငန်းကို ရပ်ကွက်အုပ်ချုပ်ရေးမှူးနှင့်အတူ ထုတ်ကုန်လုံခြုံစိတ်ချမှု ရှိစေရေးအတွက် ကွင်းဆင်း စစ်ဆေးခြင်း ဆောင်ရွက်ခဲ့ပါသည်။
ကျိုင်းတုံမြို့ရှိ စားသုံးသူပြည်သူများသည် ပဲငံပြာရည်ကို နေ့စဉ်မီးဖိုချောင်၌ ချက်ပြုတ်စား သောက်ရန်အတွက်သာမက နံနက်စာအဖြစ်လည်းနေ့စဉ်စားသုံးလျက်ရှိသောရှမ်းခေါက်ဆွဲတွင်လည်း အသုံးပြုစားသုံးကြပါသည်။ ယင်းကြောင့် ပဲငံပြာရည်များ ထုတ်လုပ်ရာတွင် ကျန်းမာရေးနှင့် ညီညွတ်မှုရှိပြီး သန့်ရှင်းလတ်ဆက်မှုရှိစေရေး ကွင်းဆင်းစစ်ဆေးခြင်းကို ဆောင်ရွက်ခဲ့ကြခြင်းဖြစ်ပါ သည်။
စစ်ဆေးရေးမှူးနှင့် တာဝန်ရှိသူများသည်“ရွှေဆင်” အမှတ်တံဆိပ် ပဲငံပြာရည်လုပ်ငန်းရှင်အား ပဲငံပြာရည်ကြိုချက်ရာတွင် အသုံးပြုလျက်ရှိသောရေများသည် ရေကောင်းရေသန့် များဖြစ်စေရန်၊ ရေလှောင်ကန်အား သန့်ရှင်းမှုရှိစေရန်နှင့် ပတ်ဝန်းကျင်သန့်ရှင်းမှုရှိစေရန်၊ စားသုံးသူများ ဘေးအန္တရာယ်ကင်းရှင်းပြီး ယုံကြည်စိတ်ချစွာဝယ်ယူစားသုံးနိုင်စေရန်၊ အသိပညာပေးခြင်းဆောင်ရွက်ခဲ့ပါသည်။ ထို့ပြင် စားသုံးသူကာကွယ်ရေးဉပဒေအခန်း (၁၈)ပါ “ကုန်အညွှန်း အမှတ်အသားဖေါ်ပြခြင်း” နှင့်ပတ်သတ်၍ အလေးထားဆောင်ရွက်ရန် ထုတ်လုပ်သည့် လိပ်စာအား ကုန်စည်များတွင်ထင်ရှားတိကျစွာဖြင့် မှန်ကန်သည့်လိပ်စာများ ထည့်သွင်းဖေါ်ပြရန် စားသုံးသူကာ ကွယ်ရေးဉပဒေအခန်း (၁၀)ပါ “စီးပွားရေးလုပ်ငန်းရှင်၏ တာဝန်များကိုပါလိုက်နာ ဆောင်ရွက်ရန်နှင့် သက်ဆိုင်ရာဌာန၏ လုပ်ထုံးလုပ်နည်းနှင့်အညီလိုက်နာဆောင်ရွက်ရမည်ဖြစ်ကြောင်း ကွင်းဆင်းစစ်ဆေး အသိပညာပေးခြင်း ဆောင်ရွက်ခဲ့ကြပါသည်။
DOCA(ရှမ်း)