ကယားပြည်နယ်၊စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၂၀၂၂ ခုနှစ်၊ အောက်တိုဘာလ (၃)ရက် နေ့၊ နံနက်(၁၀:၀၀)နာရီအချိန်တွင် လွိုင်ကော်မြို့၊ ဈေးပိုင်းရပ်ကွက်ရှိ ကုန်ပစ္စည်းမျိုးစုံ ရောင်းချသည့် အရောင်းဆိုင်များသို မြန်မာနိုင်ငံစားသုံးသူရေးရာကော်မရှင်၏ ညွှန်ကြားချက်အမှတ်(၂/၂၀၁၉)ပါ ကုန် အညွန်းအမှတ်အသား သတ်မှတ်ချက်များနှင့်ကိုက်ညီမှုရှိ/မရှိ၊ ကိုဗစ်-၁၉ ရောဂါ ကြိုတင်ကာကွယ်ရေး စည်းကမ်းချက်များနှင့်အညီ ရောင်းချခြင်း ရှိ/မရှိ မြို့နယ်ရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ လူမှုဝန်ထမ်းဦးစီးဌာန၊ မြို့နယ်မီးသတ်တပ်ဖွဲ့၊ မြို့နယ်စည်ပင်သာယာ ရေးအဖွဲ့တို့နှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။ ထိုသို့ဈေးကွက် စောင့်ကြည့်စစ်ဆေးရာတွင် ပြည်နယ်အတွင်းရှိ စားသောက်ကုန်၊ လူသုံးကုန်အများစုမှာ အခြားဒေသမှ ဝင်ရောက်သော ကုန်စည်များအဖြစ် အများအပြားတွေ့ရှိရပြီး ဒေသထွက်ကုန်အများစုမှာ အသေးစား အိမ်တွင်းမှုလုပ်ငန်းများအဖြစ်သာ ထုတ်လုပ်ကြ၍ ဒေသအတွင်း သာဖြန့်ဖြူးရောင်းချလျက်ရှိကြောင်း စစ်ဆေးတွေ့ရှိရပါသည်။ ကုန်စည်အများစုတွင် မြန်မာနိုင်ငံစားသုံးသူရေးရာကော်မရှင်၏ ညွှန်ကြားချက် အမှတ်(၂/၂၀၁၉)ပါ ကုန်အညွန်းအမှတ်အသားသတ်မှတ်ချက်များနှင့် ကိုက်ညီမှုရှိကြောင်း စစ်ဆေးတွေ့ရှိရပြီး လွိုင်ကော်ခရိုင်အတွင်းရှိ ဈေးသည်များ၊ ရပ်ကွက်များရှိ စားသောက်ဆိုင်များ၊ ဈေးဆိုင်များ၊ ကုန်မျိုးစုံရောင်းချသည့် အရောင်းဆိုင်ပိုင်ရှင်များအနေဖြင့် ကုန်အညွန်းအမှတ်အသား သတ်မှတ်ချက်များ နှင့်ကိုက်ညီမှုမရှိသည့် ကုန်စည်များကို တင်သွင်းရောင်းချခြင်းမပြုကြရန်၊ Covid-19 စည်းကမ်းချက် များနှင့်အညီ ရောင်းချသွားကြရန်နှင့် သတ်မှတ်ချက်၊ စည်းကမ်းချက်များနှင့် မကိုက်ညီသည့် အရောင်း ဆိုင်များစစ်ဆေးတွေ့ရှိရပါက စားသုံးသူကာကွယ်ရေးဥပဒေအရသော်လည်းကောင်း၊ Covid-19စည်းကမ်း သတ်မှတ်ချက်များအရသော်လည်းကောင်း အရေးယူမှုများ၊ ပြစ်မှုပြစ်ဒဏ်များခံရမည်ဖြစ်ကြောင်း ကုန်မျိုးစုံအရောင်းဆိုင်(၂၄)ဆိုင်အား ဝိုင်းဝန်းအသိပညာပေး စစ်ဆေးဆောင်ရွက်ခဲ့ကြောင်း သတင်းရရှိ ပါသည်။
DOCA(ကယား)