စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဝန်ထမ်းများ၏ ဝန်ထမ်းစွမ်းဆောင်ရည်တိုးတက်လာစေပြီး ဌာန၏လုပ်ငန်း ဆောင်ရွက်ချက်များ လွယ်ကူလျင်မြန်သွက်လက်လာစေရန် ရည်ရွယ်၍ တိုင်း/ခရိုင် ဦးစီးမှူး၏ လမ်းညွှန်မှုဖြင့် (၃၀.၉.၂၀၂၂)ရက်နေ့ နံနက်(၁၀:၀၀)နာရီအချိန်တွင် ပခုက္ကူခရိုင်ဦးစီးမှူးရုံး ( CICC ) ခန်းမ၌ ဦးစီးမှူး ဦးဇော်ထွန်းဦးနှင့် ဒု-ဦးစီးမှူး ဒေါ်လင်းလင်းနိုင်တို့သည် ဝန်ထမ်းစွမ်းဆောင်မှု မြှင့်တင်ရေးအထောက်အကူပြု Thursday Talk ဒုတိယအကြိမ် ဟောပြောဆွေးနွေးခြင်းကို Power Point ဖြင့် ရှင်းလင်းဆွေးနွေးခဲ့ပါသည်။
ခရိုင်ဦးစီးမှူးမှ အဖွင့်အမှာစကားပြောကြားပြီး ဝန်ထမ်းများ စွမ်းဆောင်ရည် တိုးတက်လာစေ ရန် ဟောပြောဆွေးနွေးပွဲများ လစဉ်ဆောင်ရွက်နေကြောင်း၊ Thursday Talk အနေဖြင့် ဒုတိယအကြိမ် ဆောင်ရွက်ခြင်းဖြစ်ကြောင်းနှင့်၊ ဌာန၏မျှော်မှန်းချက်များ၊ ရည်မှန်းချက်များနှင့်ဌာန၏ ဆောင်ရွက် ချက် များကို ရှင်းလင်းဆွေးနွေးခဲ့ပါသည်။
ဆက်လက်၍ ဦးစီးမှူး ဦးဇော်ထွန်းဦးမှ " စားသုံးသူတိုင်ကြားမှုများကို လက်ခံဖြေရှင်း ဆောင် ရွက်ပေးခြင်း " ခေါင်းစဉ်ဖြင့် ဆွေးနွေးပါသည်။ " CICC "ဆိုသည်မှာ စားသုံးသူများ၏ နစ်နာဆုံးရှုံးမှု များကို တိုင်ကြားနိုင်ရန်အတွက် စားသုံးသူရေးရာဦးစီးဌာနတွင် ဖွင့်လှစ်ထားသော "စားသုံးသူ သတင်း ပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ" ကို ခေါ်ဆိုခြင်းဖြစ်ကြောင်း ရှင်းလင်း ဆွေးနွေးပါသည်။
CICC ဖွင့်လှစ်ရခြင်းအကြောင်းအရင်းမှာ နိုင်ငံတကာ အလေ့အကျင့်များအရ စားသုံးသူ၏ နစ်နာ ဆုံးရှုံးမှုများကို အရေးဆိုတိုင်ကြားနိုင်ရန်၊ အာဆီယံလမ်းညွှန်ချက်များနှင့် တိုင်ကြားမှုများကို လက်ခံ ဖြေရှင်းပေးရန်၊ လက်ရှိမြန်မာနိုင်ငံတွင် Complaint Center များဖွင့်လှစ်နိုင်ရေးအတွက် အရပ်ဘက်အဖွဲ့အစည်းများနှင့် စားသုံးသူများမှတောင်းဆိုလာရန်၊ စားသုံးသူအခွင့်အရေးများအနေဖြင့် ယင်းတို့ရရှိလာသည့် အခွင့်အရေးများကို အပြည့်အဝရရှိနိုင်ရန်နှင့် စားသုံးသူများမှ တိုင်ကြား လာသည့် ကိစ္စရပ်များကို လျင်မြန်စွာဖြေရှင်းပေးရန်နှင့် တရားရင်ဆိုင်မှုများ လျော့ပါးစေရန်တို့ဖြစ်ကြောင်း ရှင်းလင်း ဆွေးနွေးခဲ့သည်။
CICC သို့ တိုင်ကြားလို့ရသည့်အခြေအနေများ၊ ဖြေရှင်းဆောင်ရွက်ပေးလို့မရသည့် အကြောင်း ကိစ္စများကို အသေးစိတ် အကျယ်တဝင့်ရှင်းလင်းဆွေးနွေးပြီးနောက် စားသုံးသူများမှ ကုန်စည်နှင့် ဝန်ဆောင်မှုများ အသုံးပြုရာတွင် နစ်နာဆုံးရှုံးမှုတစ်စုံတစ်ရာကြုံတွေ့ခဲ့ပါက CICC ရုံးသို့ သက်သေ အထောက်အထား၊ ပြေစာများနှင့်လူကိုယ်တိုင် လာရောက်တိုင်ကြားနိုင်ကြောင်း၊ တိုင်ကြားနိုင်သည့် နေရာများမှာ သက်ဆိုင်ရာ ပြည်ထောင်စု နယ်မြေ၊ တိုင်းဒေသကြီး/ ပြည်နယ် CICC ရုံးများ၊ ခရိုင် CICC ရုံးများ (လူကိုယ်တိုင် သော်လည်းကောင်း၊ ဖုန်းဖြင့်လည်းကောင်း၊ စာတိုက်မှလည်းကောင်း)၊ စားသုံးသူ ရေးရာဦးစီးဌာန facebook page နှင့် သက်ဆိုင်ရာတိုင်း၊ ပြည်နယ်၊ ခရိုင်အလိုက် CICC facebook page ၊ www.doca.gov.mm website ရှိ Consumer Complaint From ၊ DOCA Myanmar Mobile App တွင်ပါဝင်သည့် Consumer Complaint System တို့တွင်လည်းကောင်း၊ စားသုံးသူရေးရာဦးစီးဌာန Call Center နံပါတ်ဖြစ်သော 1535 သို့ သက်သေခံ အထောက်အထားများနှင့်အတူ တိုင်ကြားနိုင်ကြောင်း အသေးစိတ် ဆွေးနွေးခဲ့ပါသည်။
ဆက်လက်ပြီး ဒု-ဦးစီးမှူး ဒေါ်လင်းလင်းနိုင်က ဟောပြောဆွေးနွေးရာတွင် စားသုံးသူကာကွယ် ရေးဥပဒေ အခန်း(၁၈)ပါ ကုန်အညွှန်းအမှတ်အသား ပြည့်စုံစွာဖော်ပြခြင်းဖြင့် ဈေးကွက်အတွင်းရှိ မိမိတို့ထုတ်ကုန်များမှာ စားသုံးသူများအား ဘေးအန္တရာယ်ကင်းရှင်းစေခြင်း၊ အာမခံချက်ပေးခြင်း၊ သတင်းအချက်အလက်များ ပြည့်စုံမှန်ကန်စွာ ထည့်သွင်းခြင်းတို့ကြောင့် စားသုံးသူများအနေဖြင့် စီးပွားရေးလုပ်ငန်းရှင်များအပေါ် ယုံကြည်မှုများရရှိလာပြီး အကျိုးစီးပွားများ ပိုမိုရရှိလာနိုင်မည် ဖြစ်ကြောင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်(၂/၂၀၁၉)ပါ ကုန်စည်များတွင် မြန်မာဘာသာဖြင့် ထည့်သွင်းရမည့်အချက်များ၊ ကုန်အညွှန်းအမှတ်အသားဖော်ပြခြင်းနှင့် ပတ်သက်သည့် ဥပဒေပြဌာန်း ချက်များ၊ စီမံခန့်ခွဲရေးနည်းလမ်းအရ အရေးယူခြင်း၊ တားမြစ်ချက်များ၊ ပြစ်မှုနှင့်ပြစ်ဒဏ်များ အကြောင်းသိရှိလိုက်နာစေရန် ရှင်းလင်းဆွေးနွေးပြီး စားသုံးသူအခွင့်အရေးနှင့် တာဝန်များကိုလည်း စားသုံးသူများ အခွင့်အရေးရယူတတ်စေရန် အသေးစိတ်ရှင်းလင်း ဆွေးနွေးခဲ့ပါသည်။
DOCA(မကွေး)