စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးသည် အောက်တိုဘာလ (၃)ရက် နေ့၊ နံနက် (၁၁:၀၀)နာရီအချိန်တွင် ရွှေဘိုမြို့၊ အမှတ်(၄)ရပ်ကွက်ရှိ လယ်ယာသုံးစက်ကိရိယာ အရောင်းဆိုင်လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
ထိုသို့ဆွေးနွေးရာတွင် ခရိုင်ဦးစီးမှူးမှ မိမိတို့စားသုံးသူရေးရာဦးစီးဌာန (DOCA) ကို အစားအသောက်နှင့်ဆေးဝါးကွပ်ကဲရေးဦးစီးဌာန(FDA) ဌာနဟု ထင်သူများ၊ ကွဲကွဲပြားပြား မသိသေးသူ များအတွက် ဌာန(၂)ခု၏ ခြားနားချက်များ၊ စားသုံးသူရေးရာဦးစီးဌာန၏ Vision၊ Missionများ၊ စားသုံးသူကာကွယ်ရေးဉပဒေပါ စားသုံးသူအခွင့်အရေး (၈)ချက်နှင့် တာဝန် များ၊ ပြည်သူတိုင်းသည် စားသုံးသူဖြစ်ကြောင်း၊ စားသုံးသူတိုင်းတွင် စားသုံးသူအခွင့်အရေး များရှိကြောင်း၊ စီးပွားရေးလုပ်ငန်းရှင်၏တာဝန်များ၊ စီးပွားရေးလုပ်ငန်းရှင်သည် စားသုံးသူ အပေါ် ဝန်ဆောင်မှုပေးခြင်းနှင့်စပ်လျဉ်းသည့် ဖော်ပြရမည့် အာမခံချက်များ၊ ဝန်ဆောင်မှု လုပ်ငန်းများ၏ အာမခံချက်နှင့်စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေး များ၊ စားသုံးသူပြည်သူများအနေဖြင့် နစ်နာဆုံးရှုံးမှုဖြစ်ပေါ်ခဲ့ပါက Online ဖြင့်သော်လည်း ကောင်း၊ Consumer Call Center (1535)ကိုတိုင်ကြားနိုင်ကြောင်း၊ ဖုန်းဖြင့်သော် လည်းကောင်း တိုင်ကြားနိုင်ကြောင်း၊ လူကိုယ်တိုင်တိုင်ကြားရာတွင် အမှတ်(၅)၊ ရန်မျိုး အောင်ရပ်ကွက်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးသို့ လာရောက်တိုင်ကြားနိုင်ကြောင်းတို့ကို အသိပညာပေး ဆွေးနွေးခဲ့ကြောင်း သတင်းရရှိပါသည်။
DOCA(စစ်ကိုင်း)