ပြည်ခရိုင်၊ ရွှေတောင်မြို့ရှိ စားသုံးသူရေးရာဦးစီးဌာနမှ ဝန်ထမ်းများသည် (၇.၁၀.၂၀၂၂) ရက် နံနက် (၁၀:၀၀) အချိန်တွင် ရွှေတောင်မြို့နယ်၊ ယွန်းတန်းရပ်ကွက် (အ.မ.က) ကမ်းနားတန်း ကျောင်းသို့ သွားရောက်၍ ဆရာ/ဆရာမများနှင့် ကျောင်းသား/ကျောင်းသူများအား စားသုံးသူ အသိပညာပေး ဆွေးနွေးဟောပြောပွဲများ ကျင်းပပြုလုပ်ခဲ့ပါသည်။
ရွှေတောင်မြို့နယ်၊ ယွန်းတန်းရပ်ကွက်၊ (အ.မ.က) ကမ်းနားတန်းကျောင်းတွင် ကျောင်းသား /ကျောင်းသူ (၃၆)ဦး၊ ဆရာ/ဆရာမ (၆)ဦး စုစုပေါင်း(၄၂)ဦးတို့အား စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံ ဦးအောင်နိုင်ဦး မှ စားသုံးသူရေးရာဥပဒေပါအကြောင်းအရာများ၊ စားသုံးသူအခွင့်အရေး(၈)ချက်၊ စားသုံးသူများရပိုင်ခွင့် (၄)ချက်တို့အား နမူနာများပြ၍ အကျယ် တဝင့်ရှင်းလင်းဟောပြောခြင်း၊ ကုန်ပစ္စည်းများတွင် ကုန်အညွှန်းအမှတ်အသားများအား ပါဝင်မှု ရှိ/မရှိကို ကြည့်ရှု၍ ဝယ်ယူကြရန် ဟောပြောခဲ့ပါသည်။ ဟောပြောပွဲအပြီးတွင် စားသုံးသူရေးရာဦးစီးဌာန၏ လက်ကမ်းစာစောင်များ ဖြန့်ဝေပေးခဲ့သလို ကျောင်းမုန့်ဈေးတန်းကိုလည်း စစ်ဆေးခဲ့ကြောင်း သိရှိရပါသည်။
DOCA(ပဲခူး)