ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်း ၊ ဒု-ခရိုင် ဦးစီးမှူး ဦးအောင်ဇော်ဦး နှင့် ဝန်ထမ်းများသည် (၅.၁၀.၂၀၂၂)နေ့တွင် မအူပင်မြို့ပေါ်ရှိ အသေးစား၊ အလတ်စားလုပ်ငန်းများ ဖွံ့ဖြိုးတိုးတက်ရေးအတွက် ကွင်းဆင်းဆောင်ရွက်ခဲ့ပါသည်။
မအူပင်မြို့နယ် အသေးစား၊ အလတ်စားလုပ်ငန်းများ (၂၂၀)ဦးခန့် ရှိသည့်အနက် ကျားပဲမုန့်၊ ကျားသစ်ပဲမုန့်၊ ရွှေပွားငံပြာရည်နှင့် ဆံပင်တုလုပ်ငန်းများသို့ ကွင်းဆင်း ဆောင်ရွက်ရာတွင် ၎င်းလုပ်ငန်းရှင်များ တင်ပြချက်များထဲမှ မတည်ရင်းနှီးအခက်အခဲ၊ နည်းပညာအခက်အခဲများနှင့် ဈေးကွက်ရရှိမှု၏ အားနည်းချက်၊ အားသာချက်များအပေါ် စားသုံးသူရေးရာဦးစီးဌာန၊ ခရိုင်ဦးစီးမှူး ဦးဇော်မင်းမှ မတည်ရင်းနှီးငွေ အခက်အခဲအတွက်၊ သက်ဆိုင်ရာမိတ်ဖက်ဌာနနှင့် ကုမ္ပဏီများသို့ ချိတ်ဆက်ဆောင်ရွက်နိုင်ရေးနှင့်နည်းပညာ လိုအပ်ချက်အပေါ် သက်ဆိုင်ရာပညာရှင်များနှင့် ညှိနှိုင်းအကောင်အထည်ဖော်နိုင်ရေး၊ အလုပ်ရုံ ဆွေးနွေးပွဲများ ပြုလုပ်သင့်ကြောင်းတို့ကို အကျယ်တဝင့် အပြန်အလှန် ဆွေးနွေးခဲ့ကြောင်း သတင်းရရှိ ပါသည်။
DOCA(ဧရာဝတီ)