စက်တင်ဘာလအတွင်း မွန်ပြည်နယ်ရှိ စီးပွားရေးလုပ်ငန်းရှင်များနှင့်တွေ့ဆုံခြင်း

      မွန်ပြည်နယ် စားသုံးသူရေးရာဦးစီးဌာနမှ ၂၀၂၂ခုနှစ် စက်တင်ဘာလအတွင်း စီးပွားရေး လုပ်ငန်းရှင်များနှင့်တွေ့ဆုံခြင်းဆိုင်ရာ လုပ်ငန်းများဆောင်ရွက်ခဲ့သည်။ စားသုံးသူရေးရာဦးစီးဌာန မွန်ပြည်နယ်ဦးစီးမှူးနှင့်တာဝန်ခံများက စီးပွားရေးလုပ်ငန်းရှင်များအား သိရှိလိုက်နာဆောင်ရွက်ရမည့်ကိစ္စရပ်များ၊ အသင်းအဖွဲ့များကိုထောက်ပံ့ပေးခြင်း၊ ကြပ်မတ်ထိန်းညှိခြင်းနှင့်ကုန်အညွှန်း အမှတ်အသားပြုလုပ်ခြင်းဆိုင်ရာများ စသည်တို့ကိုနှီးနှောဆွေးနွေးပေးခြင်းဖြစ်ပါသည်။ တွေ့ဆုံခဲ့သည့် ၎င်းလုပ်ငန်းရှင်များမှာ ဆီကုန်သည်အသင်းလုပ်ငန်းရှင်များနှင့်တွေ့ဆုံခြင်း၊ အသင့်စားရေထွက် ပစ္စည်းနှင့်ယိုမျိုးစုံလုပ်ငန်းရှင်နှင့်တွေ့ဆုံခြင်း၊ ဆီကုန်သည်လုပ်ငန်းရှင်နှင့် တွေ့ဆုံခြင်း၊ မော်လမြိုင်မြို့ အတွင်းရှိ ကုမ္ပဏီလုပ်ငန်းရှင်များနှင့်တွေ့ဆုံခြင်း၊ ကွမ်းသီးလုပ်ငန်းရှင်များနှင့်တွေ့ဆုံခြင်း ရော်ဘာလုပ်ငန်းရှင်များနှင့်တွေ့ဆုံခြင်း ဘီးလင်းမြို့ ကတွတ်ယိုလုပ်ငန်းရှင်များနှင့် တွေ့ဆုံခြင်း တို့ဖြစ်ကြသည်။ ၂၀၁၉ စားသုံးသူကာကွယ်ရေးဥပဒေအခန်း(၁၀)ပါ စီးပွားရေးလုပ်ငန်းရှင်များ၏ တာဝန်များကိုရှင်းလင်းဆွေးနွေးခြင်း၊ အခန်း (၁၈) ပါ ကုန်အညွှန်းအမှတ်အသားဖော်ပြချက်နှင့် ပတ်သက်၍ ဆွေးနွေးခြင်းအပြင် စားသုံးသူကာကွယ်ရေးလက်ကမ်းစာစောင်များကိုလည်း ဖြန့်ဝေပေးခဲ့ကြောင်း သိရှိရပါသည်။ ယခုလ စက်တင်ဘာလအတွင်း စီးပွားရေးလုပ်ငန်းရှင် တွေ့ဆုံခြင်း (၁၁)ကြိမ် ရှိပြီး လူဦးရေ(၈၇)ဦးအား တွေ့ဆုံဆွေးနွေးခဲ့ကြောင်း သိရပါသည်။

DOCA(မွန်)