မွန်ပြည်နယ်၊စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံနှင့်ဝန်ထမ်းများသည် ၁၈.၁၀.၂၀၂၂ ရက်နေ့တွင် ပြည်တွင်းကုန်သွယ်မှုဖွံ့ဖြိုးတိုးတက်ရေးအတွက် ဘီးလင်းမြို့နယ်၊ နှင်းပုလဲကျေးရွာရှိ ဒေါ်ကျင်လှိုင် အိုးလုပ်ငန်းသို့ သွားရောက်လေ့လာခဲ့ကြသည်။
အိုးထုတ်လုပ်ရာတွင် သဲ၊ ရွှံ့စေးတို့ကို အသုံးပြုရပြီး သဲတစ်ကျင်း၊ ရွှံ့တစ်ကျင်း အသုံးပြုလျှင် အိုးမျိုးစုံ (၁၀၀၀)ခန့်ထွက်ရှိပြီး အိုးတစ်ဖို ဖုတ်လျှင် အိုးမျိုးစုံပါဝင်သည့် အိုးအလုံးရေ (၅၀၀) ပါဝင်ရန် တန်ဖိုးငွေကျပ် (၃၀၀၀၀၀) ရင်းနှီးမြှုပ်နှံရကြောင်း၊ အိုးအမျိုးအစားများမှာ သောက်ရေအိုး၊ ပေါင်းအိုး၊ ပန်းအိုး၊ ငပိအိုး၊ ဘုရားပန်းအိုး အပါအဝင် (၂၅) မျိုးခန့် ထုတ်လုပ်ကြောင်း၊ အိုးတစ်လုံးထုတ်လုပ်ရန် ပျမ်းမျှကုန်ကျစရိတ် (၈၀၀)ကျပ်ဝန်းကျင်ရှိကြောင်း၊ ရောင်းဈေးမှာ ရေအိုးတစ်လုံးလျှင် လက်လီဈေး (၁၅၀၀)ကျပ်၊ လက်ကားဈေး (၁၂၀၀) ကျပ်ရောင်းချကြောင်း၊ အဆိုပါအိုးများကို မော်လမြိုင်၊ ဘားအံ၊ ပဲခူးမြို့များသို့ တင်ပို့ ရောင်းချကြောင်း၊ နွေရာသီတွင် ပိုမိုရောင်းချရကြောင်း သိရှိရပါသည်။
DOCA(မွန်)