ရခိုင်ပြည်နယ်၊ စားသုံးသူရေးရာဦးစီးဌာနမှ ကျောက်ဖြူခရိုင်ဦးစီးမှူး ဦးအေးကျော် (လက်ထောက်ညွှန်ကြားရေးမှူး)သည် (၁၇-၁၀-၂၀၂၂)ရက်နေ့ နေ့လယ် (၁:၀၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံးသူကာကွယ်ပေးရေး Talk Show အစီအစဉ်အား ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာန (Community Center) ခန်းမတွင် ကျင်းပပြုလုပ်ခဲ့ကြောင်း သိရှိရပါသည်။
အဆိုပါဆွေးနွေးပွဲတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ လက်ထောက် ညွှန်ကြားရေးမှူး ဒေါ်ချစ်ချစ်သန်းက အဖွင့်အမှာစကားပြောကြားပြီး ကျောက်ဖြူခရိုင်ဦးစီးမှူး ဦးအေးကျော်က စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်နှင့် လုပ်ငန်းတာဝန်များ၊ စားသုံးသူကာကွယ်ရေးဉပဒေ/နည်းပဒေများ ပြဌာန်းထားရှိမှုအကြောင်း၊ စားသုံးသူကာကွယ်ရေး ဉပဒေပါ စားသုံးသူအခွင့်အရေး(၈)ချက်တို့အား ချပြဆွေးနွေးပြီး၊ စားသုံးသူအသိပညာပေးလုပ်ငန်းများ ဆောင်ရွက်နေမှုများ၊ စားသုံးသူကာကွယ်ရေးအသိပညာပေးဟောပြောပွဲများအား တက္ကသိုလ်၊ ကောလိပ်၊ စာသင်ကျောင်းများ၊ ရပ်ကွက်၊ ကျေးရွာ၊ ရုံးဌာနများတွင် စီမံရေးဆွဲဆောင်ရွက်လျှက် ရှိပါကြောင်း ကုန်စည်နှင့်ဝန်ဆောင်မှုများအပေါ် ဈေးကွက်စောင့်ကြည့်စစ်ဆေးဆောင်ရွက်ခြင်းအား သက်ဆိုင်ရာမိတ်ဖက်ဌာန၊ အဖွဲ့အစည်းများဖြင့် ကွင်းဆင်းစစ်ဆေးဆောင်ရွက်လျှက်ရှိပါကြောင်း၊ တိုင်ကြားမှုနှင့်ပတ်သက်၍ စိစစ်ဖော်ထုတ်ပြီး လုပ်ထုံးလုပ်နည်းနှင့်အညီ ဖြေရှင်းပေးလျှက်ရှိကြောင်း၊ ပြစ်မှုပြစ်ဒဏ်များကို စီမံခန့်ခွဲမှုနည်းလမ်းအရလည်းကောင်း၊ ဉပဒေအရလည်းကောင်း၊ အမှုဖွင့်လှစ်ပြီး ဆောင်ရွက်ပေးလျှက်ရှိကြောင်း၊ စားသုံးသူများ၏နစ်နာချက်များကို တိုင်ကြားနိုင်ရန် စားသုံးသူသတင်း ပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ(CICC) ဖွင့်လှစ်ထားရှိကြောင်း၊ တိုင်ကြားနိုင်သည့်နည်းလမ်းများ၊ ဖုန်းနံပါတ်များအား ပြောကြားပြီး စားသုံးသူကာကွယ်ရေးလုပ်ငန်းများကို အသေးစိတ်သိရှိလိုပါက www.doca.gov.mm တွင် ဝင်ရောက်ကြည့်ရှုလေ့လာနိုင်ပါကြောင်း အသိပေး ရှင်းလင်းဆွေးနွေးခဲ့ကြောင်း သတင်းရရှိပါသည်။
DOCA(ရခိုင်)