စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းတို့ ပူးပေါင်းစီစဉ်မှုဖြင့် တနင်္သာရီတိုင်းဒေသကြီး၊ ကော့သောင်းခရိုင် စားသုံးသူရေးရာဦးစီး ဌာနမှတာဝန်ရှိသူများ၊ စည်ပင်သာယာရေးမှ ဈေးတာဝန်ခံများကြီးကြပ်မှုဖြင့် ကော့သောင်းခရိုင်ဆီကုန် သည်နှင့်ဆီလုပ်ငန်းရှင်များအသင်းမှ ၂၀၂၂ခုနှစ်၊ နိုဝင်ဘာလ ၃ ရက်နေ့တွင် အေးမြကန်သာရပ်ကွက်ရှိ နွယ်သာဂီလမ်းနှင့်လမ်းသွယ်များ၊ မနော်ဟယ်ရီလမ်း တို့တွင် စားသုံးသူပြည်သူများအား သက်သာ သည့်ဈေးနှုန်းဖြင့် စားသုံးဆီများရောင်းချပေးလျက်ရှိကြောင်းသိရပါသည်။
မြို့နေပြည်သူများ ချက်ပြုတ်စားသောက်မှုကိစ္စများ တစ်ဖက်တစ်လမ်းမှအဆင်ပြေကြစေရန် မီးဖိုချောင်သုံး စားသုံးဆီများကို သက်သာသည့်ဈေးနှုန်းဖြင့် ရောင်းချပေးခြင်းဖြစ်ရာ လူတစ်ဦးလျှင် တစ်ပိဿာ(၄၇၀၀)ကျပ်နှုန်းဖြင့် မည်သူမဆိုလွတ်လပ်စွာဝယ်ယူနိုင်ရေး ဈေးကားဖြင့် လိုက်လံရောင်း ချပေးလျက်ရှိပြီး ဝယ်ယူသည့်ပြည်သူများအား ကော့သောင်းဆီကုန်သည်နှင့်ဆီလုပ်ငန်းရှင်များအသင်း မှ MASK များအား အခမဲ့ပေးဝေခဲ့ကြောင်း သိရှိရပါသည်။ အလားတူရောင်းချခြင်းကို ကားဖြင့်လှည့် လည်၍ ရပ်ကွက်ပြည်သူများ လက်ဝယ်အရောက်ဆက်လက်ရောင်းချပေးရန် အစီအစဉ်များရှိပါ ကြောင်း မိဘပြည်သူများ ဈေးနှုန်းသက်သာစွာဖြင့် ဝယ်ယူစားသုံးနိုင်ရန်အတွက် ကျန်ရှိနေသော မြို့ပေါ်ရပ်ကွက်/ကျေးရွာများသို့လည်း လှည့်လည်ရောင်းချပေးသွားမည်ဖြစ်ကြောင်း သိရှိရပါသည်။
DOCA(တနင်္သာရီ)