မြိတ်ခရိုင်စားသုံးသူရေးရာဦးစီးဌာန၊ ခရိုင်အထူးစုံစမ်းစစ်ဆေးရေးဦးစီဌာနနှင့် မြို့နယ်စည်ပင် သာယာရေးအဖွဲ့တို့သည် မြိတ်ခရိုင်ဆန်ကုန်သည်အသင်းဥက္ကဌနှင့် ပူးပေါင်း၍ စျေးကွက်တွင် ရွှေဘို ပေါ်ဆန်းနှင့် အခြားပေါ်ဆန်းအမျိုးအစားများ၏ ဆန်ဈေးနှုန်းသည် သင့်တင့်မျှတသည့် ဈေးနှုန်းထက် ပိုမိုမြင့်တက်လာကြောင်း သိရှိရသဖြင့် ၂၀၂၅ခုနှစ်၊ နိုဝင်ဘာလ(၁၉)ရက်နေ့၊ နံနက် (၁၀း၀၀) နာရီအချိန်တွင် မြိတ်မြို့၊ နောက်လယ်ရပ်နှင့် မြစ်ငယ်ရပ်ရှိ ဆန်ဆိုင်များအား ရှောင်တခင် ကွင်းဆင်းစစ်ဆေးခဲ့ကြောင်း သိရှိရပါသည်။
ကွင်းဆင်းစစ်ဆေးရာတွင် မြိတ်မြို့အတွင်းရောင်းချနေသောစျေးနှုန်းများကို သတ်မှတ်ရည်ညွှန်းစျေးအတိုင်းရောင်းချနေခြင်းရှိ/မရှိနှင့် ဈေးကွက် ဈေးနှုန်းတည်ငြိမ်စေရန်အတွက် ဈေးကစားရန် ရည်ရွယ်ချက်ဖြင့် သိုလှောင်ထားရှိခြင်း၊ ဈေးနှုန်းမြှင့်တင်ရောင်းချခြင်းများ မရှိစေရန် ကွင်းဆင်း စစ်ဆေးခဲ့ကြောင်း သတင်းရရှိပါသည်။
DOCA(တနင်္သာရီ)