စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးအနေဖြင့် ဝန်ထမ်းများ လူ့စွမ်းအား အရင်းအမြစ်ဖွံ့ဖြိုးတိုးတက်လာစေပြီး ရုံးလုပ်ငန်းများ ကျွမ်းကျင်မှုရှိပြီး ဌာန၏လုပ်ငန်း များဆောင် ရွက်ရာတွင် အထောက်အကူဖြစ်စေရန် ရည်ရွယ်၍ ဝန်ထမ်းစွမ်းဆောင်ရည်မြှင့် တင်ရေးသင်တန်း အမှတ်စဉ်(၃/၂၀၂၂)ကို ပြည်နယ်ဦးစီးမှူးရုံးအစည်းအဝေးခန်းမ၌ ၂၀၂၂ခုနှစ် ၊ အောက်တိုဘာလ (၂၆)ရက်နေ့မှ(၂၈)ရက်နေ့အထိ နေ့စဉ် နံနက် (၁၀:၃၀) နာရီမှ နေ့လယ် (၁၂:၀၀) နာရီအထိ လည်း ကောင်း၊ နေ့လယ် (၁၄:၀၀) မှ (၁၆:၀၀) အထိ သင်ခန်းစာပို့ချပြီး (၃)ရက်တာသင်တန်း ဖွင့်လှစ်ဆောင်ရွက်ခဲ့ပြီး သင်တန်းသားဦး ရေစုစုပေါင်း (၁၂)ဦး တက် ရောက်ခဲ့ပါသည်။
အဆိုပါသင်တန်းတွင် စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးမြင့်အောင်က အဖွင့် အမှာစကားပြောကြားရာတွင် မိမိတို့ဌာနမှဆောင်ရွက်နေသော စားသုံးသူကာကွယ်ပေး ရေးလုပ် ငန်းစဉ်များ၊ ပြည်တွင်းကုန်သွယ်မှုဖွံ့ဖြိုးရေးလုပ်ငန်းစဉ်များ အကောင်အထည်ဖော် ဆောင်ရွက်ရာ တွင်လည်းကောင်း၊ ရုံးလုပ်ငန်းများဆောင်ရွက်ရာတွင် လည်းကောင်း၊ ဝန်ထမ်း များကျွမ်းကျင်မှုရှိ စေပြီး ဌာန၏ လုပ်ငန်းများအောင်မြင်အောင် ဆောင်ရွက်နိုင်စေရန်အတွက် ဝန်ထမ်းစွမ်းဆောင် ရည်မြှင့်တင်ရေးသင်တန်းများကို စဉ်ဆက်မပြတ် ဆောင်ရွက်သွားမည်ဖြစ် ကြောင်း ပြောကြားခဲ့ပါသည်။
သင်တန်းတွင် ကယားပြည်နယ်ဦးစီးမှူးရုံးရှိ ပြည်နယ်ဦးစီးမှူး ဦးမြင့်အောင်မှ အဂတိလိုက် စားမှုတားဆီးကာကွယ်ရေးဘာသာရပ်၊ ဒေါ်မြို့ရီ (ဦးစီးအရာရှိ) မှ စီမံရေးရာဌာနခွဲဘာသာရပ်၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဘာသာရပ်၊ နိုင်ငံ့ဝန်ထမ်းဥပဒေ၊ စာကြည့်တိုက်ဆိုင်ရာ ရေရှည်ဖွံ့ဖြိုးတိုးတက်ရေးဘာသာရပ်၊ ဦးမိုးညွန့်ဦး (ဦးစီးအရာရှိ) မှ ရုံးလုပ် ငန်းလက်စွဲပါအခန်းများ၊ ဒေါ်သစ္စာဖူး (ဦးစီးမှူး) မှ ငွေစာရင်းဌာနခွဲ ဘာသာရပ်၊ ပြည်တွင်းကုန် သွယ်ရေးဖွံ့ဖြိုးမှုနှင့် သုတေသနဌာနခွဲဘာသာရပ်၊ မှုဝါဒလေ့လာ ရေးနှင့် စီမံကိန်းစာရင်းအင်းဘာ သာရပ်များ အသီးသီးပို့ချခဲ့ပြီး၊ အဆိုပါသင်တန်းမှ ဝန်ထမ်းများအနေဖြင့် ဌာနခွဲအလိုက်ပို့ချသော သင်ခန်းစာများမှ အားသာချက်အားနည်းချက်၊ သိရှိလို သည်များကို အပြန် အလှန်ဆွေးနွေးခြင်း၊ လုပ်ငန်းဆောင်ရွက်ရာတွင် လိုက်နာကျင့်သုံးရမည့် ဥပဒေ၊ စည်းမျဉ်းစည်းကမ်းများ၊ ညွှန်ကြားချက်များ၊ အသိပညာဗဟုသုတများရရှိ၍ ဌာန၏ လုပ်ငန်းဆောင်ရွက်ရာတွင် အထောက်အကူဖြစ်ကြောင်း၊ ဝန်ထမ်းစွမ်းဆောင်ရည်မြှင့်တင်ရေး သင်တန်းဆင်းပွဲအခမ်းအနားကို အောက်တိုဘာလ (၂၈)ရက်နေ့ နေ့လယ် (၁၄:၃၀) နာရီအချိန် တွင် အောင်မြင်စွာ ပြုလုပ်ဆောင်ရွက်နိုင်ခဲ့ကြောင်း သိရပါသည်။
DOCA(ကယား)