ရန်ကုန်တိုင်းဒေသကြီး၊ သန်လျင်ခရိုင်၊ စည်ပင်သာယာမြို့မဈေးအတွင်း/အပြင်ရှိ ဆန် ဆိုင်များတွင် ဆန်များအား ဈေးနှုန်းမြှင့်တင်ရောင်းချခြင်းမရှိစေရေး ဈေးကွက်စောင့်ကြည့် စစ်ဆေးခြင်းအား စည်ပင်သာယာရေးအဖွဲ့မှ ဝန်ထမ်းများနှင့်ပူးပေါင်း၍ စားသုံးသူရေးရာဦးစီးဌာန တောင်ပိုင်းခရိုင်ဦးစီးမှူးရုံးမှ ဦးဝင်းအောင် ဒုဦးစီးမှူးနှင့်အဖွဲ့သည် နိုဝင်ဘာလ(၁၈)ရက်နေ့၊ နေ့လည်(၁၁:၃၀)နာရီအချိန်တွင် မြေပြင်ကွင်းဆင်းစစ်ဆေးခဲ့ကြောင်း သိရှိရသည်။
စားသုံးသူရေးရာဦးစီးဌာန၊ တောင်ပိုင်းခရိုင်ဦးစီးမှူးရုံးမှ ဝန်ထမ်းများသည် စည်ပင် သာယာရေးအဖွဲ့နှင့်ပူးပေါင်း၍ သန်လျင်မြို့မဈေးအတွင်းရှိ ကျော်/ပိုဆန်ဆိုင်၊ ဒေါ်ခင်လေးဆန် ဆိုင်နှင့် မြို့မဈေးအပြင်ဘက်တန်းရှိ မိဘမေတ္တာဆန်ဆိုင်များသို့ ရွှေဘိုပေါ်ဆန်းနှင့် ပေါ်ဆန်း ဆန်များအား ဈေးကစားရန်ရည်ရွယ်၍ သိုလှောင်ခြင်း မပြုလုပ်ကြရန်နှင့် ပြည်တွင်းစားသုံးသူ ပြည်သူများအတွက် မျှတ၍ ဖြစ်သင့်ဖြစ်ထိုက်သည့် ဈေးနှုန်းဖြင့်သာ ရောင်းချကြရန် အသိပညာပေး ကွင်းဆင်းစစ်ဆေးခဲ့ကြောင်း သိရှိရသည်။
DOCA(ရန်ကုန်)