ဧရာဝတီတိုင်းဒေသကြီး၊ စားသုံးသူရေးရာ ဦးစီးဌာန၊ မအူပင်ခရိုင်၊ ပန်းတနော်မြို့နယ်ဦးစီးမှူးမှ ဦးခိုင်လွမ်းမိုးသည် မိတ်ဖက်ဌာန ပူးပေါင်း၍ (၉.၁၁.၂၀၂၂) ရက်နေ့ (၀၉:၀၀)နာရီအချိန်တွင် ပန်းတနော် အနောက်ပိုင်းရပ်ကွက်ရှိ ကုန်မျိုးစုံဆိုင်(၆)ဆိုင်မှ ကုန်မျိုးစုံအား ဈေးကွက်စောင့်ကြ်း စစ်ဆေးခဲ့ကြပါသည်။
ထိုသို့ ဈေးကွက်စောင့်ကြည့် စစ်ဆေးရာတွင် ကုန်မျိုးစုံရောင်းချနေသော ဆိုင်များတွင် ရောင်းချနေသော ကုန်စည်အမျိုးမျိုးတွင် ကုန်အညွှန်း အမှတ်အသား များ ပြည်စုံစွာဖော်ပြပါဝင်ခြင်း ရှိ/ မရှိကို စစ်ဆေးခဲ့ကြရာတွင် ကုန်အညွှန်းအမှတ်အသား ဖော်ပြပါဝင်သော ကုန်စည်များကိုသာ စစ်ဆေး တွေ့ရှိခဲ့ကြပါသည်။ ဆိုင်ရှင်များကိုလည်း မိမိတို့ရောင်းချနေသော ကုန်စည်များသည် သက်ဆိုင်ရာဌာနမှ ခွင့်ပြုချက်၊ ထောက်ခံချက်လိုင်စင်ပါဝင်သော ကုန်စည်များကို ဦးစားပေးရောင်းချရန်၊ ဈေးကွက်အတွင်းရှိရောင်းချနေသော ကုန်စည်(သို့) ဝန်ဆောင်မှုကြောင့် စားသုံးသူဘက်မှ နစ်နာဆုံးရှုံးမှုဖြစ်ပေါ်လာပါက တိုင်ကြားနိုင်သည့်အတွက် စားသုံးသူနှင့် လုပ်ငန်းရှင်များအကြား စားသုံးသူ နစ်နာမှုကို ကုစားခွင့်ပြုနိုင်ရန် ညှိနှိုင်းဖြေရှင်း ဆောင်ရွက်ပေးလျှက်ရှိသောကြောင့် စီးပွားရေး လုပ်ငန်း ရှင်တို့ဘက်မှလည်း စားသုံးသူကာကွယ်ရေးနှင့် စပ်လျဉ်း၍လိုက်နာရမည့် တာဝန်များကို လေးစားလိုက်နာကြပါရန် ဆွေးနွေးပြီး စားသုံးသူကာကွယ်ရေး(၂၀၁၉) ဥပဒေပါ ပြစ်မှု၊ ပြစ်ဒဏ် များအကြောင်း ကိုအကျယ်တဝင့် ရှင်းလင်းဆွေးနွေးပြီး ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။
DOCA(ဧရာဝတီ)