ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင် ရေတာရှည်မြို့နယ်တာဝန်ခံ ဦးဇော်ဇော်ထွေးသည် နိုဝင်လာလ ၃ ရက်နေ့ နံနက်ပိုင်းက ရေတာရှည်မြို့နယ် ဆွာမြို့အုပ်ချုပ်ရေးမှူး ဦးအောင်သူဝင်း ဦးဆောင်သော ဌာနဆိုင်ရာပူးပေါင်းအဖွဲ့ဝင်များနှင့်အတူ ရေတာရှည်မြို့နယ် ဆွာ ဒေသရှိ စက်သုံးဆီအရောင်းဆိုင်များသို့ သွားရောက်၍ စက်သုံးဆီဈေးနှုန်းနှင့် ဆီလက်ကျန်အခြေအနေများကို ကြည့်ရှုစစ်ဆေးခဲ့ပါသည်။
အထွေထွေအုပ်ချုပ်ရေးဦးစီးဌာန၊ ရေတာရှည်မြို့နယ် ဆွာမြို့အုပ်ချုပ်ရေးမှူး ဦးဆောင်သော ပူးပေါင်းအဖွဲ့တွင် မြို့နယ်ရဲတပ်ဖွဲ့မှူးရုံး၊ မြို့နယ်စည်ပင်သာယာရေးအဖွဲ့၊ မီးသတ်ဦးစီးဌာန၊ ပြည်တွင်းအခွန်များဦးစီးဌာန၊ လျှပ်စစ်ဓါတ်အားဖြန့်ဖြူးရေးလုပ်ငန်းနှင့် စားသုံးသူရေးရာဦးစီးဌာနတို့မှ တာဝန်ရှိသူများပါဝင်၍ ဆွာဒေသရှိ မြင့်မြတ်ဗိုလ်၊ UMT၊ ဆန်းမြလင်း၊ Puma Power နှင့် AP 7 စက်သုံးဆီအရောင်းဆိုင်များသို့ သွားရောက်၍ ကြည့်ရှုစစ်ဆေးခဲ့ခြင်းဖြစ်ပါသည်။
စက်သုံးဆီများသို့ သွားရောက်စစ်ဆေးကြည့်ရှုရာတွင် အလေးချိန်နှင့်ဈေးနှုန်း မှန်ကန်ပြီး စက်သုံးဆီလက်ကျန်မှာလည်း လုံလောက်မှုရှိသည်ကို တွေ့ရှိရကြောင်း၊ မြို့နယ်တာဝန်ခံ ဦးဇော်ဇော်ထွေးက ကြော်ငြာဘုတ်တွင် တင်ထားသည့်အတိုင်း အလေးချိန်နှင့်ဈေးနှုန်း မှန်ကန်စေရေး၊ စားသုံးသူစိတ်ကျေနပ်မှုရှိစေရေးကို ဦးစားပေးဆောင်ရွက်ပေးရန် မှာကြားခဲ့ကြောင်း သိရှိရပါသည်။
DOCA(ပဲခူး)