ရခိုင်ပြည်နယ်၊စားသုံးသူရေးရာဦးစီးဌာန၊ သံတွဲခရိုင်ဦးစီးမှူးသည် (၁၁-၁၁-၂၀၂၂)ရက်နေ့တွင် FDA ဦးဆောင်၍ သံတွဲမြို့နယ် ရဲတပ်ဖွဲ့၊ မြို့နယ်ထွေအုပ်တို့ပါဝင်သော ပူးပေါင်းအဖွဲ့ဖြင့် သံတွဲမြို့ဒွါရာဝတီမြို့မဈေးကြီးအတွင်း ဆေးနှင့်ဆေးဝါးပစ္စည်းများရောင်းချနေသော ဆေးဆိုင်များအား ကွင်းဆင်းစစ်ဆေးခြင်းဆောင်ရွက်ခဲ့ပါသည်။
ကွင်းဆင်းစစ်ဆေးရခြင်း၏ ရည်ရွယ်ချက်မှာ စားသုံးသူများဘေးအန္တရာယ်ကင်းရှင်းစေရန် ဆေးဆိုင်များတွင် သက်တမ်းလွန်ဆေးဝါးများရောင်းချမှုရှိမရှိ ကွင်းဆင်းစစ်ဆေးခြင်းဖြစ်ပြီး သက်တမ်းလွန်ဆေးဝါးများ၊ သုံးစွဲရန်မသင့်ထုတ်ပြန်ထားသော ဆေးဝါးပစ္စည်းများ၊ မှတ်ပုံမတင် ထားသောဆေးဝါးနှင့်ဆေးပစ္စည်းများရောင်းချမှုမရှိစေရေးနှင့် သံတွဲခရိုင် ဦးစီးမှူး ဦးဝင်းနိုင်မှ မြန်မာနိုင်ငံစားသုံးသူကာကွယ်ရေးကော်မရှင်၏ ၂/၂၀၁၉ ညွှန်ကြားချက်ပါ ကုန်အညွှန်းအမှတ်အသားများပြည့်စုံစွာ ဖော်ပြပါရှိသော ဆေးဝါးနှင့်ဆေးဝါးပစ္စည်းများကို ဦးစားပေး ရောင်းချစေရေး အသိပညာပေးခြင်း ဆောင်ရွက်ခဲ့ပါသည်။
DOCA(ရခိုင်)