ဧရာဝတီတိုင်းဒေသကြီး၊ စားသုံးသူရေး ရာဦးစီးဌာနမှ ဓနုဖြူမြို့နယ်ဦးစီးမှူး ဦးဝင်မင်းစိုးနှင့်ဝန်ထမ်းများသည်(၁၂.၁၁.၂၀၂၂) ရက်နေ့ နံနက် (၁၀:၀၀)အချိန်တွင် ဓနုဖြူမြို့နယ် နန်းတော်ကုန်း ကျေးရွာရှိ သိဒ္ဓိစံ ဆန်စက်သို့ သွားရောက်၍ ထုတ်ကုန်လုံခြုံစိတ်ချရမှု ရှိစေရေးကွင်းဆင်း စစ်ဆေးခဲ့ ပါသည်။
အဆိုပါ ကွင်းဆင်းစစ်ဆေးမှုတွင် သိဒ္ဓိစံဆန်စက်၏ လုပ်ငန်းဆောင်ရွက်မှုများကို ကြည့်ရှုစစ် ဆေးခဲ့ပြီး ဆန်စက်ကြိတ်ခွဲမှုအခြေအနေ၊ ဆန်တင်ပို့ရောင်းချမှုအခြေအနေနှင့် ဆန်စက်လုပ်ငန်း လည်ပတ်မှု အခြေအနေများကိုမေးမြန်းခဲ့ပြီး လုပ်ငန်းရှင်တို့၏ လိုက်နာရမည့် တာဝန်များ၊ မိမိထုတ်လုပ်သော ကုန်စည်များတွင် ကုန်အညွှန်းအမှတ်အသားပြည်စုံစွာ မဖြစ်အနေပါဝင် ဖော်ပြပါဝင်ရမည့်အချက်များ၊၊ အာမခံချက်နှင့်စပ်လျဉ်းပြီး စီးပွားရေးလုပ်ငန်းရှင်သည် ရောင်းချ သည့်ကုန်စည်တွင် သာမန်အားဖြင့်မမြင်နိုင်သော သဘာဝပြောင်းလဲနိုင်မှုနှင့် စပ်လျဉ်းသည့် အချက်အလက်များကို စားသုံးသူအား ထင်ရှားစွာဖော်ပြ၍ အသိပေးရမည်ဖြစ်ကြောင်းနှင့် အာမခံ ချက် နှင့်စပ်လျဉ်းသည့် အချက်များအကြောင်းကို ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)