MyRo တွင်မှတ်ပုံတင်ထားသော သိုလှောင်ရုံများကို ကုန်ရ၊ကုန်ထုတ်၊ကုန်လက်ကျန်များဖြည့်သွင်းနိုင်ရေး မြို့နယ်များသို့ ကွင်းဆင်းဆောင်ရွက်ခြင်း

       MyRo တွင်မှတ်ပုံတင်ထားသော သိုလှောင်ရုံများကို လစဉ်(၁)ရက်နေ့မှ (၇)ရက်နေ့အတွင်း  ကုန်ရ၊ ကုန်ထုတ်၊ ကုန်လက်ကျန်စာရင်းများကို မှန်ကန်စွာထည့်သွင်းပေးနိုင်ရေးနှင့် သတ်မှတ် ပမာဏများအတိုင်း သိုလှောင်ထားရှိသော ဆန်စပါးလုပ်ငန်းများ မှတ်ပုံတင်နိုင်ရေးတို့အား သာယာဝတီခရိုင်ဦးစီးမှူးရုံးအနေဖြင့် အလေးထားဆောင်ရွက်လျက်ရှိရာ (၄.၁၂.၂၀၂၅) ရက်နေ့ တွင်အုတ်ဖိုမြို့နယ်နှင့်မင်းလှမြို့နယ်တို့မှ  ဆန်စက်လုပ်ငန်းရှင်များအသင်း ဥက္ကဌများနှင့်စားသုံးသူ ရေးရာဦးစီးဌာနမှဝန်ထမ်းများ၊ သိုလှောင်ရုံလုပ်ငန်းရှင်များနှင့်တွေ့ဆုံ၍  သိုလှောင်ရုံများမှကုန်ရ ကုန်ထုတ်၊ လက်ကျန်အခြေအနေများကို ကူညီဖြည့်သွင်းဆောင်ရွက်နိုင်အောင် လက်တွေ့သင်ကြား ပြသပေးပြီး စာရင်းရေး သွင်းခြင်းလုပ်ငန်းများ ဆောင်ရွက်ပေးခဲ့ပါသည်။သိုလှောင်ရုံအသစ် လျှောက်ထားသူ လုပ်ငန်းရှင်များကိုလည်း လိုအပ်သည့်အထောက်အထားများ တောင်းခံခြင်း၊ သိုလှောင်ရုံ လျှောက်လွှာများဖြင့် MyRo သို့ဝင်ရောက်၍ မိမိတို့ကိုယ်တိုင် လျှောက်ထားနိုင်ကြောင်း၊ သိုရုံအသစ် မလျှောက်တတ်သူများကိုလည်း ကူညီဆောင်ရွက်ပေးမည်ဖြစ်ကြောင်း၊ သိုလှောင်ရုံ မှတ်ပုံတင်ပြီးပါကလည်း MyRo ဝက်ဆိုဒ်သို့ဝင်ရောက်၍ လစဉ်ကုန်ရ၊ကုန်၊ကုန်လက်ကျန်များ ဖြည့်သွင်းရမည့်ဖြစ်ကြောင်း လက်တွေ့ပြသပြီး အသိပညာပေးဆောင်ရွက်ခဲ့ပါသည်။သိုလှောင်ရုံ လုပ်ငန်းစဉ်များနှင့် ပတ်သတ်၍ အခက်အခဲများရှိပါက လာရောက်မေးမြန်းနိုင်ပါကြောင်း ညွှန်ကြား ချက်များကိုလည်း လိုက်နာကြပါရန်နှင့် ဆန်စပါး မှတ်ပုံတင်ခြင်းဆိုင်ရာ အမိန့်နှင့် ညွှန်ကြား ချက်များကို သိရှိစေရန် ရှင်းလင်းတင်ပြဆွေးနွေးပြီး လစဉ်/လတိုင်း၊ ကုန်ရ၊ ကုန်ထုတ်၊ ကုန်လက်ကျန်များ ဖြည့်သွင်းရမည် ဖြစ်ကြောင်းတို့ကို အသိပညာ ပေးဆောင်ရွက်ခဲ့ပါသည်။

DOCA(ပဲခူး)