စီးပွားရေးနှင့်ကူးသန်းရောင်းဝယ်ရေးဝန်ကြီးဌာနလက်အောက်ရှိ စားသုံးသူရေးရာဦးစီးဌာနသည် စားသုံးသူကာကွယ်ရေးနှင့် စပ်လျဉ်းသည့် အသိပညာဗဟုသုတများကို ပြည်သူ အများသိရှိနားလည်စေရန်ရည်ရွယ်ပြီး ဘက်ပေါင်းစုံဖြင့် ဆောင်ရွက်လျှက်ရှိပါသည်။
၂၀၂၂ ခုနှစ် နိုဝင်ဘာလ ၁၆ ရက်နေ့ (နံနက် ၁၃:၀၀) နာရီအချိန်တွင် စားသုံးသူရေးရာ ဦးစီးဌာန၊ မုံရွာမြို့နယ် တာဝန်ခံ ဒေါ်စန်းစန်းဝေသည် မုံရွာမြို့နယ် ပြန်ကြားရေးနှင့် ပြည်သူ့ ဆက်ဆံရေးဦးစီးဌာနနှင့် ပူးပေါင်း၍ မုံရွာမြို့ လူထုအခြေပြုဗဟိုဌာန (Community Centre ) ခန်းမတွင် စားသုံးသူများ အသိပညာဗဟုသုတများတိုးပွားစေရန်ရည်ရွယ်၍ စားသုံးသူကာကွယ်ရေး ဆိုင်ရာ အသိပညာပေးဆွေးနွေးပွဲကို ကျင်းပပြုလုပ်ခဲ့ပါသည်။ မုံရွာမြို့နယ် ပြန်ကြားရေး နှင့်ပြည်သူ့ဆက်ဆံရေးဦးစီးဌာန မုံရွာမြို့နယ်ဦးစီးမှူး ဒေါ်ယုယုဝင်းက စားသုံးသူကာကွယ်ရေးဆိုင်သိ ကောင်းစရာများ ကို မေးမြန်းရာ စားသုံးသူရေးရာဦးစီးဌာနမြို့နယ်တာ၀န်ခံ ဒေါ်စန်းစန်းဝေ က စားသုံးသူရေးရာဆိုင်ရာကိစ္စရပ်များ နှင့် ပတ်သက်၍ အကျယ်တ၀င့် ရှင်းလင်းဖြေကြား ဆွေးနွေးခဲ့ပါသည်။ ဆွေးနွေးရာတွင် စားသုံးသူ ကာကွယ်ရေးအဓိပ္ပါယ်နှင့် စားသုံးသူအဓိပ္ပါယ်၊ မြန်မာနိုင်ငံစား သုံးသူကာကွယ်ရေး ဥပဒေရေးဆွဲ ပြဌာန်းရသည့်ရည်ရွယ်ချက်များ၊ စားသုံးသူအခွင့် အရေးများ အပြည့်အဝရရှိစေရန်နှင့် တိကျ မှန်ကန်ရှင်းလင်းသော သတင်းအချက်အလက်များ သိရှိစေရန် ၊ စားသုံးသူများဘေးအန္တရာယ် ကင်းရှင်းစေရေး ၊ စိတ်ကျေနပ်မှုရှိစေရေးအတွက် အာမခံချက်ပေး နိုင်သည့် အရည်အသွေးမြင့် မားသော ကုန်စည် ၊ ဝန်ဆောင်မှုများ ဖော်ဆောင် ဖြည့်ဆည်း ပေးနိုင်စေရေးနှင့် စီးပွားရေး လုပ်ငန်းရှင်များအနေဖြင့် စားသုံးသူကာကွယ်ရေး ဥပဒေအားသိရှိ လိုက်နာဆောင်ရွက်ရန်၊ စားသုံးသူကာကွယ်ရေးဥပဒေပါ စားသုံးသူ၏ အခွင့်အရေး (၈)ချက်နှင့် တာဝန်(၄)ချက်အား ရှင်းလင်းခြင်း ၊ စာသုံးသူများအနေဖြင့် ကုန်စည်နှင့် ဝန်ဆောင်မှုကို ဝယ်ယူအသုံးပြုခြင်းကြောင့် စားသုံးသူများ နစ်နာဆုံးရှုံးမှုများ ဖြစ်ပေါ် လာပါက စားသုံးသူများအနေဖြင့် သက်ဆိုင်ရာ ခရိုင်/မြို့နယ်များ ရှိ စားသုံးသူရေးရာဦးစီးဌာနရဲ့ (Consumer Information and Complaint Center) CICC ၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာမှာ လူကိုယ်တိုင်သော်လည်းကောင်း၊ တယ်လီဖုန်းဖြင့် သော်လည်းကောင်း၊ စားသုံးသူရေးရာဦးစီးဌာန Website ဖြစ်တဲ့ ( www.doca.gov.mm ) (Complaint System)၊Mobile Application ဖြစ်သည့် (Doca Myanmar) app ၊Consumer Call Center (1535)သို့ဆက်သွယ်၍သော်လည်းကောင်း၊ ထို့အပြင် ACCP Website (ASEAN Cross-border Complaint)စသည့်တို့ကို ဆက်သွယ်ပြီးတိုင်ကြားနိုင်ကြောင်း အသိပညာပေးဆွေးနွေးခြင်းများဆောင်ရွက်ခဲ့ကြောင်းသိရှိရပါသည်။
DOCA(စစ်ကိုင်း)