Main menu

“ စက်သုံးဆီဆိုင်သစ် ဖွင့်လှစ်ရောင်းချနေမှုအား ကွင်းဆင်းစစ်ဆေး”

Powered by Drupal

       စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး၏ ကြီးကြပ်မှုဖြင့် မလှိုင်မြို့နယ်တာဝန်ခံ ဦးရဲမြင့်ဆန်းသည် (၁၄-၁၁-၂၀၂၂) ရက်နေ့ (၁၀း၀၀) နာရီအချိန်တွင် စက်သုံးဆီဆိုင်သစ် ဖွင့်လှစ်ရောင်းချနေမှုအား ကွင်းဆင်းစစ်ဆေးခဲ့ပါသည်။ မလှိုင်မြို့နယ်တွင် လိုင်စင်ရ စက်သုံးဆီဆိုင် (၃) ဆိုင်ရှိရာ ၁၁/၂၀၂၂ မှစ၍ New Force 2 အမည်ဖြင့် စက်သုံးဆီဆိုင်သစ်ကို မိတ္ထီလာ-မြင်းခြံသွား ကားလမ်းမကြီးဝဲဘက် မလှိုင်မြို့နယ် ထန်းတောကျေးရွာတွင် ဖွင့်လှစ်ရောင်းချလျှက်ရှိပါသည်။ ၎င်းဆီဆိုင်သစ် ဖွင့်လှစ်ရောင်းချနေမှုအား စစ်ဆေးရာတွင် စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ သတ်မှတ်ထားသော နှုန်းထားများအတိုင်းသာ ရောင်းချရန်၊ စီးပွားရေးလုပ်ငန်းရှင်သည် ကုန်စည်နှင့်စပ်လျဉ်း၍ အာမခံချက်ပေးရာတွင်ကုန်စည်အရည်အသွေး အချိန်အတွယ်ပမာဏနှင့် အလေးချိန်မှန်ကန်မှုရှိစေရန်၊ အရည်အသွေးပြည့်မှီမှန်ကန်သည့် ပစ္စည်းများ စျေးကွက်အတွင်း တင်သွင်းဖြန့်ဖြူးရောင်းချစေရန်နှင့် သတ်မှတ်ရည်ညွှန်းစျေးနှုန်းများအတိုင်း ရောင်းချစေရေး၊ သတ်မှတ်ချက်နှင့် မကိုက်ညီသည့် စက်သုံးဆီဆိုင်များစျေးကွက်တွင်စစ်ဆေးတွေ့ရှိပါက ရေနံနှင့်ရေနံထွက်ပစ္စည်းဆိုင်ရာဥပဒေအရ အရေးယူခံရနိုင်ကြောင်း ဆွေးနွေးပြောကြားခဲ့ပြီး စက်သုံးဆီအရောင်းဆိုင် တာဝန်ခံမှလည်း စက်သုံးဆီရောင်းချမှု အခြေအနေများကို ပြန်လည်တင်ပြဆွေးနွေးခဲ့ကြောင်း သိရပါသည်။

DOCA(မန္တလေး)