ဒေးဒရဲမြို့နယ်တွင် ကုန်စျေးနှုန်းတည်ငြိမ်ရေးအတွက် မြို့မစျေးအတွင်းရှိ "ဒေါ်အမာနီ "ဆန်ဆိုင်သို့ မြို့နယ်စားသုံးသူရေးရာဦးစီးဌာန ၊ မြို့နယ်စည်ပင်သာယာရေးအဖွဲ့တို့ပါဝင်သော အဖွဲ့တို့ဖြင့် ဇန်နဝါရီလ(၂၇)ရက်နေ့၊ နံနက်(၁၀:၀၀) နာရီအချိန်တွင် ကွင်းဆင်း စစ်ဆေးခြင်းကို ဆောင်ရွက်ခဲ့ကြပါသည်။
ထိုသို့ကွင်းဆင်းစစ်ဆေးခဲ့ရာ စားသုံးသူရေးရာမြို့နယ်တာ၀န်ခံကဆန်အမျိုးအစား အလိုက် ဆန်များကိုဈေးနှုန်းမြှင့်တင်ရောင်းချခြင်းများမပြုလုပ်ရန်၊ ဆန်သိုလှောင်ရောင်းချရာတွင်လည်း ဈေးကစားရန်ရည်ရွယ်၍သိုလှောင်ခြင်း မျိုးမရှိစေရေး ဆန်သိုလှောင်ရောင်းချပါက ဆန်စပါး သိုလှောင်ရုံများ မြန်မာ့ဆန်စပါးအွန်လိုင်း (MyRO)တွင် မှတ်ပုံတင်ရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့်ချိတ်ဆက်ပြီး ဆောင်ရွက်သွားရန်လိုအပ် ကြောင်း ကွင်းဆင်းစစ်ဆေးဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)