စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေး/ချောက်ခရိုင်ဦးစီးမှူးရုံးမှ ဝန်ထမ်း များသည် အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်စေရန်အတွက် မိမိတို့ဒေသများတွင် ပြည်တွင်းအသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSMEs) လုပ်ကိုင်လျက်ရှိသော လုပ်ငန်းရှင်တို့အား ကွင်းဆင်းမေးမြန်းခြင်းကို လစဉ်ဆောင်ရွက် လျက်ရှိပါသည်။
ထိုသို့ ဆောင်ရွက်လျက်ရှိရာ မကွေး/ချောက်ခရိုင်အတွင်းရှိ မြို့နယ်များမှ ၂၀၂၆-ခုနှစ်၊ ဇန်နဝါရီလတွင် တောင်တွင်းကြီးမြို့၊ ကရင်စုကျေးရွာရှိ “ပိုင်ပိုင်” ပဲကြော်လုပ်ငန်းအားလည်းကောင်း၊ ချောက် မြို့၊ အမှတ်(၇) ရွာဟောင်းရပ်ရှိ “ဒေါ်စိုးစိုးသန့်”ပါပလာလုပ်ငန်းနှင့် “ဒေါ်နွယ်နွယ်ဝင်း” မုန့်ဩဇာလုပ် ငန်းအားလည်းကောင်း၊ ရေနံချောင်းမြို့၊ သစ်တပွေရပ်ရှိ “KK”ပဲကြော်လုပ်ငန်း၊ ရေနံ့သာရပ်ရှိ “စူပါမင်း” ပဲကြော်လုပ်ငန်းနှင့် ရွာသစ်ရပ်ရှိ “ပွင့်ဖူးအောင်”ပဲကြော်လုပ်ငန်းတို့အားလည်းကောင်း၊ စုစုပေါင်း လုပ်ငန်း(၆)ခုအား သွားရောက်တွေ့ဆုံ၍ လုပ်ငန်းရှင်များ၏ လက်ရှိအခြေအနေများ၊ အခက် အခဲများ၊ လိုအပ်ချက်များနှင့် နိုင်ငံတော်မှ ကူညီ ဆောင်ရွက်ပေးရန် လိုအပ်သည့်အချက်များအား မေးမြန်းခဲ့ကြောင်း သိရှိရပါသည်။
DOCA(မကွေး)