ရခိုင်ပြည်နယ် တောင်ကုတ်ခရိုင် စားသုံးသူရေးရာဦးစီးဌာန ခရိုင်ဦးစီးမှူး၊ ဦးမောင်ကျော်မြင့် (ဦးစီးအရာရှိ)သည် (၂၄-၁၁-၂၀၂၂)ရက်နေ့ နံနက်(၉:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ ကျန်းမာရေးဦးစီးဌာနနှင့် ရပ်ကျေးအုပ်ချုပ်ရေးမှူးတို့ပါဝင်သော ပူးပေါင်းအဖွဲ့ ဖြင့် တောင်ကုတ်မြို့ပေါ်ရှိ မုန့်တီဖတ်(မုန့်ဖတ်)ထုတ်လုပ်သည့် လုပ်ငန်းရှင်များအား သွားရောက် စစ်ဆေးခဲ့ပါသည်။
ထိုသို့ စစ်ဆေးရာတွင် စားသုံးသူရေးရာဦးစီးဌာန တောင်ကုတ်ခရိုင်ဦးစီးမှူးမှ ကုန်ပစ္စည်းများ ထုတ်လုပ်ဖြန့်ဖြူးရောင်းချခြင်းနှင့် ပတ်သက်၍ စားသုံးသူကာကွယ်ရေးဉပဒေ အခန်း(၁၅)၊ပုဒ်မ၂၈အရကုန်စည်(သို့မဟုတ်)ဝန်ဆောင်မှုလုံခြုံစိတ်ချရမှုရရှိစေရေးနှင့် ပတ်သက်၍လည်းကောင်း ၊ စားသုံးသူ ဘေးဉပါဒ်အန္တရာယ်မဖြစ်ပေါ်စေရေးအတွက် မုန့်ဖတ်လုပ်ငန်းဆောင်ရွက်ရာတွင် သန့်ရှင်းသန့်ရပ်မှု ရှိ/မရှိ စစ်ဆေးခြင်း ၊မုန့်တီဖတ်(မုန့်ဖတ်)များမှာ အသင့်စားအစားအစာ ဖြစ်၍ သန့်ရှင်းမှုရှိစေရေး၊ မုန့်ဖတ်ထုတ်လုပ်မှုအဆင့်ဆင့်တွင်လည်း သန့်ရှင်းစွာ ထုတ်လုပ်စေရေးနှင့် မုန့်တီဖတ်(မုန့်ဖတ်) ထုတ်လုပ်ရာတွင် တာရှည်ခံဆေး(Formalin) လုံးဝ သုံးစွဲမှုမပြုလုပ်စေရေး ကွင်းဆင်းစစ်ဆေး အသိပညာပေး ဆောင်ရွက်ခဲ့ကြောင်း သတင်းရရှိပါသည်။
DOCA(ရခိုင်)