မန္တလေးတိုင်းဒေသကြီး၊ မိတ္ထီလာခရိုင်အတွင်းရှိ CMP စက်ရုံ(၂)ရုံအား စားသုံးသူရေးရာဦးစီးဌာန၊အလုပ်သမားညွှန်ကြားရေးဦးစီးဌာန၊စက်မှုကြီးကြပ်ရေးနှင့် စစ်ဆေးရေးဦးစီးဌာန၊အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနတို့ပါဝင်သော“မန္တလေးတိုင်းဒေသကြီး CMP လုပ်ငန်းများ မြေပြင်ကွင်းဆင်းစစ်ဆေးရေးအဖွဲ့” မှ ၅.၁၂.၂၀၂၂ ရက်နေ့နေ့လယ်(၁၃:၀၀)နာရီအချိန်တွင် မန္တလေးတိုင်းဒေသကြီး၊စားသုံးသူရေးရာဦးစီးဌာန၊အစည်းအဝေးခန်းမ၌ တွေ့ဆုံဆွေးနွေးမှုများပြု လုပ်ခဲ့ပါသည်။ အဆိုပါ CMP စက်ရုံများ၏ ကုန်ကြမ်းရရှိမှု၊ စက်ရုံလည်ပတ်မှု၊ ထုတ်လုပ်နိုင်မှု၊ အလုပ်သမားများ၏လစာပေးချေမှု၊စက်ရုံအမည်ဖြင့် ငွေစာရင်းဖွင့်လှစ်ဆောင်ရွက်မှုအခြေအနေများ အား တက်ရောက်လာသောကွင်းဆင်းစစ်ဆေးရေးအဖွဲ့များမှ မေးမြန်းဆွေးနွေးခဲ့ကြပြီး၊ အထည်ချုပ်စက်ရုံတို့မှ သိရှိလိုသည်များ ပြန်လည်ဆွေးနွေးခဲ့ကြပြီးနောက် နေ့လယ် (၁၄:၀၀)နာရီအချိန်တွင် ဆွေးနွေးပွဲရုတ်သိမ်းခဲ့ကြောင်း သိရှိရပါသည်။
DOCA(မန္တလေး)