ပြည်သူအများ စားသုံးသူအခွင့်အရေးသိရှိဖို့ ဌာနပုံရိပ်မြှင့်တင်စို့

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ စားသုံးသူ ပြည်သူများအတွက် စားသုံးသူကာကွယ်ရေးနှင့်ပတ်သက်သော ကိစ္စရပ်များကို တာဝန်ယူ ဆောင်ရွက်နေသော ဌာနကြီးတစ်ခုဖြစ်ပါသည်။ စားသုံးသူများဆိုသည်မှာ အတိုချုပ်လျှင် ပြည်သူများပဲ ဖြစ်ပါသည်။  စားသုံးသူကာကွယ်ရေးဥပဒေမှာ စားသုံးသူဆိုသည်မှာ ကုန်စည် သို့မဟုတ် ဝန်ဆောင်မှုကို ကုန်သွယ် ရောင်းဝယ်မှုပြုရန် သို့မဟုတ် အသက်မွေး ဝမ်းကျောင်းပြုရန် မဟုတ်ဘဲ ကိုယ်တိုင်သုံးစွဲမှုအတွက်သော်လည်းကောင်း၊ အခြားသူ အတွက် သော်လည်းကောင်း၊ ရည်ရွယ်၍ ဝယ်ယူခြင်း၊ အသုံးပြုခြင်း၊ ရယူခြင်း၊ ကုန်စည်ချေးငှား ပြုလုပ်သူများ သို့မဟုတ် ပေးကမ်းထောက်ပံ့ခြင်းခံရသူများကိုဆိုလိုပါသည်ဟု အဓိပ္ပာယ်ဖွင့်ဆိုထားပါသည်။ သို့အတွက် စားသုံးသူ ရေးရာဦးစီးဌာန၏လုပ်ငန်းဆောင်ရွက်ချက်များမှာ ပြည်သူအများအတွက်အကျိုးပြုသော ဌာနကြီး တစ်ခုဖြစ်ပါသည်။ ယခင်က စားသုံးသူကာကွယ်ရေးနှင့်ပတ်သက်၍ သိရှိခဲ့ရသည်မှာ အနောက် နိုင်ငံများမှ ၁၉၆၀ပြည့်နှစ် နောက်ပိုင်းကစ၍ အရေးဆိုဆောင်ရွက်လာမှုများအပေါ် အနောက်နိုင်ငံ တစ်ခုဖြစ်သော အမေရိကန်နိုင်ငံက စတင်ဆောင်ရွက်ခဲ့ပါသည်။ အဲဒီအချိန် အဲဒီကာလမှာ အမေရိကန် သမ္မတမှာ ဂျွန်အက်(ဖ်)ကနေဒီဖြစ်ပါသည်။ စားသုံးသူများကို အလေးထားဂရုပြုသည့်အနေဖြင့် အမေရိကန်သမ္မတဂျွန်အက်(ဖ်)ကနေဒီက မိန့်ခွန်းပြောကြားခဲ့ပါသည်။ ပြောကြားခဲ့သည့်မိန့်ခွန်း မှာ “ စားသုံးသူတွေဆိုတာ ကျွန်တော်တို့အားလုံးပါဝင်ပါတယ်၊ အဲဒီစားသုံးသူတွေဆိုတာဟာ ကမ္ဘာပေါ်မှာစီးပွားရေးအရ အင်အားအကြီးဆုံးအုပ်စုတစ်စု၊ အစိုးရဘက်ကရောပုဂ္ဂလိကဘက် ကပါစီးပွားရေးနှင့်ပတ်သက်လို့ချမှတ်လိုက်တဲ့ ဆုံးဖြတ်ချက်မှန်သမျှရဲ့ကောင်းမွေဆိုးမွေကို ခံစား ရတဲ့သူပေါ့၊ အဲဒီစားသုံးသူတွေဟာ အဲ့သလောက်ကို အရေးကြီးတဲ့အုပ်စုပေါ့၊ သို့ပေမယ့် အဲဒီလူ တွေရဲ့အသံကိုကျတော့ နားမထောင်ဘဲငေးနေကြပါတယ်” စားသုံးသူအများအတွက် လေးစား တန်ဖိုးထားရသောမိန့်ခွန်းဖြစ်ပါသည်။ တစ်ဆက်တည်းမှာအမေရိကန်သမ္မတဂျွန်အက်(ဖ်)ကနေဒီ က ၁၉၆၂ခုနှစ်မှာတော့ နှစ်စဉ် မတ်လ ၁၅ရက်နေ့ကို ကမ္ဘာ့စားသုံးသူအခွင့် အရေးများနေ့ သတ်မှတ်ပေးခဲ့ပါသည်။ ယင်းနောက် Asean Economic Community AEC-Blueprint အရ အာဆီယံနိုင်ငံများကလည်း ၂၀၁၅ခုနှစ်မှာ စားသုံးသူအကာအကွယ်ပေးရေး ဥပဒေပြဌာန်း နိုင်ရေးဦးစားပေး ရည်မှန်းချက်ထားပြီး ဆောင်ရွက်ခဲ့ကြပါသည်။

မြန်မာနိုင်ငံမှာလည်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာ ဦးစီးဌာနမှ စားသုံးသူကာကွယ်ရေးနှင့်ပတ်သတ်လို့ ဆောင်ရွက်နိုင်ရန် ဥပဒေပြဌာန်းခဲ့ပါသည်။ ၂၀၁၄ခုနှစ်၊မတ်လ၁၄ရက်နေ့(ပြည်ထောင်စုလွှတ်တော်ဥပဒေအမှတ်၁၀)စားသုံးသူအကာအကွယ် ပေး ရေးဥပဒေနှင့် ၂၀၁၉ခုနှစ်၊ မတ်လ ၁၅ရက်နေ့(ပြည်ထောင်စုလွှတ်တော်ဥပဒေအမှတ်၉) စားသုံးသူကာကွယ်ရေးဥပဒေပြဌာန်းခဲ့ပြီး ၂၀၂၂ခုနှစ် ဇန်နဝါရီလ ၁၈ရက်နေ့တွင် စားသုံးသူကာကွယ်ရေးနည်းဥပဒေများလည်း ပြဌာန်းခဲ့ပြီးဖြစ်ပါသည်။ ၂၀၁၉ခုနှစ် မတ်လ ၁၅ရက် နေ့တွင် (ပြည်ထောင်စုလွှတ်တော်ဥပဒေအမှတ်၉) ပြဌာန်းခဲ့သော စားသုံးသူကာကွယ်ရေးဥပဒေမှာ အခန်း ပေါင်း (၂၅)ခန်း၊ ပုဒ်မ (၈၄)ခုပါဝင်ပါသည်။ စားသုံးသူ (ပြည်သူများ)နှင့် စီးပွားရေးလုပ်ငန်း ရှင်များတို့အတွက် ရည်ရွယ်သည့် ဥပဒေဖြစ်ပါသည်။ ဥပဒေမှာ စားသုံးသူကာကွယ်ရေးကိုဖွင့်ဆို ထားချက်မှာ “ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူ၏အခွင့်အရေးနှင့်အကျိုး စီးပွားကို ကာကွယ်ပေးခြင်းနှင့် စားသုံးသူနှင့်စီးပွားရေးလုပ်ငန်းရှင်တို့အကြားကော်မရှင်နှင့်ကော် မတီအဆင့်ဆင့်တို့မှ သတ်မှတ်ဆောင်ရွက်ပေးသည့် မျှတမှုရှိသောလုပ်ငန်းစဉ်” ဖြစ်ပါသည်။ စားသုံသူအတွက် ဥပဒေ၊ ပြည်သူအများအတွက် စားသုံးသူကာကွယ်ရေးဥပဒေဖြစ်ပါသည်။

        သို့အတွက်ကြောင့် စားသုံးသူတိုင်းမှာ စားသုံးသူအခွင့်အရေးရှိသည် ယင်းစားသုံးသူအခွင့် အရေး(၈)ချက်မှာ  စားသုံးသူများသည် ကုန်စည်နှင့်ဝန်ဆောင်မှုတို့အား သုံးစွဲကြရာမှာ လိုအပ်သည့် အခွင့်အရေးများဖြစ်သည့်အတွက် သိရှိထားအပ်ဖို့လိုအပ်ပါသည်။ ၎င်းမှာ (၁)အခြေခံလို အပ်ချက်များအပေါ်မှာစိတ်ကျေနပ်မှုရရှိစေခြင်း၊ (၂)ဘေးအန္တရာယ်ကင်းရှင်းစွာအသုံးပြုခွင့်ရှိခြင်း၊ (၃)လိုအပ်သောသတင်းအချက်အလက်များ ပြည့်စုံမှန်ကန်စွာသိရှိခွင့်နှင့်ပြေစာ၊ အထောက်အထား ရယူခွင့်ရှိခြင်း၊ (၄)စိတ်ကြိုက်ရွေးချယ်ဝယ်ယူနိုင်ခွင့်ရှိခြင်း၊ (၅)နစ်နာဆုံးရှုံးမှုနှင့်စပ်လျဉ်း၍         ရှင်းလင်းတင်ပြခွင့်နှင့်တိုင်ကြားခွင့်ရရှိနိုင်ခြင်း၊ (၆)နစ်နာဆုံးရှုံးမှုနှင့်စပ်လျဉ်း၍ကုစားခွင့်ရရှိခြင်း၊ (၇)အသိပညာဗဟုသုတများ၊ အခွင့်အရေးများနှင့်လိုအပ်သော အချက်အလက်များကို သိရှိလေ့လာ နိုင်ခွင့်ရှိခြင်း၊ (၈) ပစ္စုပ္ပန်တွင်သာမကအနာဂတ် မျိုးဆက်များအတွက်ပါ ကောင်းမွန်သာယာသော လူနေမှုအဆင့်အတန်းနှင့်ပတ်ဝန်းကျင်တွင်နေထိုင်နိုင်ခွင့်ရရှိစေခြင်းတို့ပင် ဖြစ်ပါသည်။ ပြည်သူအများ မှာ အခွင့်အရေးကို သိရှိထားဖို့ အလွန်ပင်အရေးကြီးလှပါသည်။ တိုးတက်လာသော လူနေမှု စနစ်မှာ   ပြည်သူများအနေဖြင့် နေ့စဉ်   ကုန်စည်ကို ဝယ်ယူသုံးစွဲစားသောက်နေရသည့် အခါနှင့် ဝန်ဆောင်မှုများရယူသုံးစွဲရသည့််အခါ စသော ကုန်ပစ္စည်း၊ ဝန်ဆောင်မှု၊ ငွေကြေး စသည့် တို့ အားလုံးနှင့်ပတ်သက်လို့ သိရှိထားရမည့်အချက်အလက်များနှင့် တိုက်ဆိုင်ခဲ့လျှင် သတိထားရန် လိုအပ်ပါသည်။

          ထို့ကြောင့် စားသုံးသူရေးရာဦးစီးဌာနမှ စားသုံးသူအခွင့်အရေးများကို ပြည်သူအများ သိရှိဖို့ ရည်ရွယ်ဖော်ဆောင်နေသည့်လုပ်ငန်းများစွာရှိပါသည်။ အဲဒီကမှ “ စားသုံးသူကာကွယ်ရေး အသိပညာပေးဟောပြောပွဲ”များပြုလုပ် ဆောင်ရွက်ကြပါသည်။ ဟောပြောပွဲများကျင်းပတဲ့အခါ နေရာဒေသအသီးသီးမှ စားသုံးသူပြည်သူများကို နားလည်လွယ်သော ပုံစံများဖြင့် အသိပညာပေး ဟောပြောခဲ့ရပါသည်။ စားသုံးသူတစ်ဦးတစ်ယောက်မှတဆင့် ဆယ်ဂဏန်း၊ ရာဂဏန်း၊ ထောင်ဂဏန်း၊ သောင်းဂဏန်း၊ သိန်းဂဏန်းတိုင် စားသုံးသူပြည်သူများကို နေရာ(၁၂)ခုဖြစ်တဲ့        အခြေခံပညာကျောင်း၊ တက္ကသိုလ်၊ ဈေး၊ ရပ်ကွက်၊ ကျေးရွာ၊ ဌာနဆိုင်ရာ၊ အသင်းအဖွဲ့၊ တပ်ရင်း တပ်ဖွဲ့၊ စက်ရုံ၊ ဘဏ်လုပ်ငန်း၊ အကျဉ်းထောင်နှင့် အခြား Online TalK Show ၊ ပြခန်း ခင်းကျင်းပြသခြင်းနှင့်လည်း ဆောင်ရွက်ပေးလျက်ရှိပါသည်။

      စားသုံးသူကာကွယ်ရေးအသိပညာပေးမှုတို့ကြောင့် ၂၀၁၅ခုနှစ်နှင့် ယခု ၂၀၂၂ခုနှစ်အတွင်း တစ်ဆင့် ပြီးတစ်ဆင့် တိုးတက်လာခြင်း စားသုံးသူ ပြည်သူများက စားသုံးသူရေးရာဦးစီးဌာန နှင့်လုပ်ငန်း ဆောင်ရွက်မှုများ၊ စားသုံးသူအခွင့်အရေးများ အသိပညာဗဟုသုတကြွဝလာသည်ကို တွေ့ရပါသည်။ စားသုံးသူများက ကုန်စည်၊ ဝန်ဆောင်မှု လုပ်ဆောင်ချက်မှ စားသုံးသူတစ်ဦး၏ အတွေ့အကြုံမှ ဝန်ဆောင်မှုသုံးစွဲရမှုတစ်ခုတင်ပြပါမည်။ စားသုံးသူတစ်ဦး သူ့အိမ်မှာ internet wifi စက်တပ်ဆင်ပါသည်။ ဦးစွာ internet wifi တပ်ဆင်ရန်အတွက် စည်းကမ်းလမ်းညွှန် ချက်များကိုလက်ခံမှ ဆောင်ရွက်ကြသလို ဝန်ဆောင်မှုပေးသူကလည်း သတင်းအချက်အလက်ကို ပြည့်စုံစွာ ရှင်းလင်းပြောကြားပြီးမှ စားသုံးသူကလိုက်နာရပါသည်။ ထိုအကြောင်းအရာမှာ စားသုံးသူက သူ့၏အိမ်၌  internet wifi တပ်ဆင်မည့်နေရာအပေါ်နား အိမ်မိုးသွပ်ပေါက်ရာ အနည်းငယ်တွေ့ရှိရသည့်အခါ ဝန်ဆောင်မှုပေးသူက စားသုံးသူအား လိုအပ်သည့်အချက်ကို  ပြန်ပြော ပါသည်။ ဒီနေရာက မိုးရွာလျှင် internet wifi စက် ပေါ် မိုးယိုနိုင်သည့်အတွက် internet wifi စက် ပစ္စည်းအပေါ် ကျရောက်၍ စက်ပျက်စီးသွားနိုင်ပါကြောင်း ပြည့်စုံသည့်ဝန်ဆောင်မှုတွေ့ရှိမှုအပေါ် ထပ်မံရှင်းလင်းခဲ့ပါသည်။ ဒါကြောင့် စားသုံးသူမှာ စိတ်ချလုံခြုံမှု ဝန်ဆောင်မှု၌ ပြင်ဆင်သင့်သည်ကို ပြင်ဆင်ခွင့်ရခဲ့၍ နစ်နာဆုံးရှုံးမှုလည်း မရှိခဲ့ကြောင်း သိရှိရပါသည်။

          ယခုအချိန်မှာ စားသုံးသူကာကွယ်ရေးအသိပညာပေးဟောပြောပွဲများမှ အသိပညာများ သိရှိ နားထောင်ခွင့်ရခဲ့သည့်အတွက်  ပြည်သူအများ စားသုံးသူက ဒီအခွင့်အရေးများကို သိခဲ့ရလို့ နေ့စဉ်ရယူ သုံးစွဲနေကြတဲ့ ကုန်စည်နှင့်ဝန်ဆောင်မှုကို အမှတ်တမဲ့ သတိမထားမှုကို သတိထားလို့ ပြင်ဆင်နိုင်ခဲ့ကြပါသည်။ ပြည်သူအများ ကုန်စည်နှင့်ဝန်ဆောင်မှုရယူသုံးစွဲလာကြသည်မှာ စနစ် တကျ၊ သတိရှိစွာ၊ သတင်းအချက်အလက်ဖော်ပြမှု ရွေးချယ်ဝယ်ယူလာကြပါသည်။ ထိုနည်းတူစွာ ဝန်ဆောင်မှုရယူရာတွင်လည်း မရယူမှမှာ  ရှင်းလင်းချက်တို့အား စိတ်ရှည်စွာ နားထောင်လိုက်နာ လာကြသည်ကို တွေ့ရှိရပါသည်။  စားသုံးသူက နစ်နာဆုံးရှုံးခဲ့ပါကလည်း တိုင်ကြားနိုင်သည်၊ နစ်နာသည့်အခါ တင်ပြတိုင်ကြားနိုင်သည် တိုင်ကြားသည့်အခါ လိုအပ်သည့် အထောက် အထားများဖြင့် လမ်းညွန်မှုပြုပေးသည့် စားသုံးသူရေးရာဦးစီးဌာနကို လာရောက်တိုင်ကြားကြ ပါသည်။ စားသုံးသူရေးရာဦးစီးဌာနမှ စားသုံးသူ မည်သူကိုမဆို အမှတ်တစ်ကယ်နစ်နာဆုံးရှုံးမှုကို မှန်ကန်မြန်ဆန်စွာ ညှိနှိုင်းဖြေရှင်းပေးခဲ့သည့် တိုင်ကြားမှုပေါင်းများစွာကို ဖြေရှင်းပေးခဲ့ပါသည်။ ထိုအခါ စားသုံးသူ ပြန်လည်ပေါကြားသည်က ကျေးဇူးအထူးတင်ပါသည်တဲ့၊ စားသုံးသူရေးရာဦးစီး ဌာနသို့ အခွင့်အရေးများ တောင်းခံလာသည်ကို ကျေနပ်စွာ ဆောင်ရွက်ပေးလျက်ရှိသည့် စားသုံးသူ ရေးရာဦးစီးဌာန၏ ဝန်ထမ်းများက ရင်ထဲပီတိလေးကျန်ခဲ့ရပါသည်။

          ပြည်သူအများက စားသုံးသူအခွင့်အရေးများကို သိရှိဖို့ စားသုံးသူရေးရာဦးစီးဌာနမှ  ပြည်သူအများ ဘဝတွက်တာ ကိုယ်စိတ်နှစ်ဖြာကျန်းမာလို့ ဘေးအန္တရာယ်ကင်းကင်း ဖြစ်စေဖို့က ရည်မှန်းချက်ဖြစ်ပါသည်။ စားသုံးသူရေးရာဦးစီးဌာနရှိ ဝန်ထမ်းများမှ ပြည်သူများကိုအလေ့ အကျင့်ကောင်းများ ပြုစုပျိုးထောင်ပေးသော ဆရာသမားတစ်ဦးပမာ၊ ပြည်သူများအတွက် ပဲ့ကိုင် ရှင်သဖွယ် ဆောင်ရွက်ကြလို့ ပြည်သူ့အတွက် စားသုံးသူရေးရာလို့ပါ ခေါ်ဆိုရပါသည်။

       စားသုံးသူရေးရာဦးစီးဌာနအနေဖြင့် နှစ်စဉ်နှစ်တိုင်း မတ်လ ၁၅ ရက်နေ့ကျရောက်တိုင်း     “ကမ္ဘာ့စားသုံးသူအခွင့်အရေးများနေ့” “World Consumer Rights Day” အထိမ်းအမှတ် ကျင်းပကြပါသည်။ တိုင်းဒေသကြီး/ ပြည်နယ်များ၌ အလှည့်ကျကျင်းပခဲ့သည်။ မြန်မာနိုင်ငံ၌ ပထမဦးဆုံးကျင်းပခဲ့သည့် ကမ္ဘာ့စားသုံးသူ အခွင့်အရေးများနေ့ကို  ၂၀၁၆ခုနှစ်၊ မတ်လ ၂၆ ရက် နေ့တွင် ရန်ကုန်တိုင်း၌လည်းကောင်း၊ ၂၀၁၇ ခုနှစ်၊ မတ်လ၁၅ ရက်နေ့တွင် မန္တလေးတိုင်း၌ လည်းကောင်း၊ ၂၀၁၈ခုနှစ် မတ်လ ၁၅ ရက်နေ့တွင် နေပြည်တော်၌လည်းကောင်း၊ ၂၀၁၉ခုနှစ် မတ်လ ၁၅ ရက်နေ့မှာ ဧရာဝတီတိုင်းဒေသကြီး ပုသိမ်မြို့၌လည်းကောင်း ကျင်းပခဲ့ပါသည့််။ ၂၀၂၀ ခုနှစ် မတ်လ ၁၅ ရက်နေ့ ကို မွန်ပြည်နယ်၌ ကျင်းပရန် အလှည့်ကျသော်လည်း (WHO)မှ (၁၁.၃.၂၀၂၀)ရက်နေ့မှာ ထုတ်ပြန်တဲ့သည့် ကမ္ဘာလုံးဆိုင်ရာကပ်ရောဂါ ဖြစ်ပွားမှုကြောင့် ကမ္ဘာ့စားသုံးသူအခွင့်အရေးများနေ့အထမ်းအမှတ်ပွဲမကျင်းပခဲ့ရပါ။ သို့ပေမယ့် စားသုံးသူရေးရာ ဦးစီးဌာနအနေ၏ မြန်မာနိုင်ငံစားသုံးသူကာကွယ်ရေးကော်မရှင်မှ ဦးဆောင်၍တိုင်းဒေသကြီး ပြည်နယ်စားသုံးသူရေးရာဦးစီးဌာနရုံးများ၌ Campain အစီအစဉ်ဖြင့် ကျင်းပခဲ့ပါသည်။

         နှစ်စဉ် မတ်လ၁၅ကမ္ဘာ့စားသုံးသူအခွင့်အရေးများနေ့အထိမ်းအမှတ်ဂုဏ်ပြု‌ ဆောင်ပုဒ်လေး များအမည်ကို ၂၀၁၆ခုနှစ်တွင် “အစားအစာဟူသမျှ ပဋိဇီဝဆေးကင်းစင်ပ( Autibiotic off the Menu)”၊၂၀၁၇ ခုနှစ်တွင်”ဒီဂျစ်တယ်ကမ္ဘာတည်ဆောက်ရေး စားသုံးသူယုံကြည်မှု အလေးပေး (Building a Digital World Consumer can trust)”၊ ၂၀၁၈ခုနှစ်တွင် “စားသုံးသူအခွင့်အရေး ရရှိရေးတိုက်တွန်းနှိုးဆော်ဆောင်ရွက်ပေး(Fairer Digital MarKeplace)”၊၂၀၁၉ခုနှစ်တွင် “စိတ်ချ ယုံကြည်ဒစ်ဂျစ်တယ်ထုတ်ကုန်များဆီ(Trusted Smart Product)”၊၂၀၂၀ပြည့်နှစ်တွင် “စားသုံးသူ အရေးစဉ်ဆက်မပြတ်ပူးပေါင်းဆောင်ရွက်ပေး (The Sustainable Consumer)” ၊၂၀၂၁ ခုနှစ်တွင် “ပလပ်စတစ်ညစ်ညမ်းမှုအန္တရာယ်စုပေါင်းကာကွယ်(Tacking Plastic Pollution) နှင့် ၂၀၂၂ခုနှစ် တွင် “ညီညွှတ်မျှတ ဒီဂျစ်တယ်ငွေကြေးကဏ္ဍ(Fail Digital Balance)” တို့ဖြစ်ပါသည်။

         ထို့အပြင် စားသုံးသူရေးရာဦးစီးဌာန၏ Webiste –www.doca.gov.mm နှင့် Commerce Journalတို့၌စားသုံးသူရေးရာဦးစီးဌာန၏လုပ်ငန်းဆောင်ရွက်မှုနှင့် စားသုံးသူရေးရာဗဟုသုတများ လေ့လာဖတ်ရှု့နိုင်ပါသည်။ စားသုံးသူများအတွက် ဝန်ဆောင်မှုပေးသောဌာန၊ ပြည်သူ့အတွက် ဌာန၊ ဒီဌာနတွင် တာဝန်ထမ်းဆောင်ရသည့်အတွက် ကုသိုလည်လည်းရသည့် အလုပ်လုပ်ကိုင်ရ ခြင်း၊ တာဝန်ထမ်းဆောင်ရသည့် ဝန်ထမ်းတိုင်းလည်း ဂုဏ်ယူရသည့် ဝန်ထမ်းဖြစ်ပါကြောင်း ဒါကြောင့်ဌာန၏  Logoပုံပါအတိုင်း (Hand to Hand) လက်တွဲလျက် ဌာနဂုဏ်၊ဌာနပုံရိပ်လှပအောင် ပိုမိုကြိုးစားဆောင်ရွက်လျက် ပြည်သူအများ စားသုံးသူအခွင့်အရေးသိရှိဖို့ ဌာနပုံရိပ်မြှင့်တင်စို့အား  တင်ပြအပ်ပါသည်။

DOCA(မွန်)