စစ်ကိုင်းတိုင်းဒေသကြီး၊ ကန့်ဘလူမြို့နယ်အတွင်းရှိ ဆေးဆိုင်များတွင် ရောင်းချလျက်ရှိ သော ဆေးဝါးများ၏ အရည်အသွေးနှင့် စားသုံးသူဘေးအန္တရာယ်ကင်းရှင်းရေးကို အာမခံနိုင်စေရန် ရည်ရွယ်၍ ၂၀၂၆ ခုနှစ်၊ မတ်လ ၁၈ ရက်နေ့တွင် အဖွဲ့စုံဖြင့် ဈေးကွက်စောင့်ကြည့်စစ်ဆေးမှုများ ဆောင်ရွက်ခဲ့ကြောင်း သိရသည်။
ယင်းစစ်ဆေးမှုတွင် မြို့နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဌာန၊ မြို့နယ် ကျန်းမာရေးဌာနနှင့် မြို့နယ်စည်ပင်သာယာရေးအဖွဲ့များ ပူးပေါင်းပါဝင်ကာ ကန့်ဘလူမြို့ပေါ်ရှိ ဆေးဆိုင်များကို သွားရောက်စစ်ဆေးခဲ့ကြသည်။ စစ်ဆေးရာတွင်ဆေးဝါးများ၏ ထုတ်လုပ်ရက်စွဲ နှင့် သက်တမ်းကုန်ဆုံးရက်များ၊ မှတ်ပုံတင်ခွင့်ပြုချက် (FDA)ထောက်ခံချက်ရှိ/မရှိ၊ ထုတ်လုပ်သူနှင့် တင်သွင်းသူ အချက်အလက်များ ပြည့်စုံမှုရှိမရှိတို့ကို အသေးစိတ်စစ်ဆေးခဲ့ကြပြီး သက်တမ်းလွန် ဆေးဝါးများ၊ အရည်အသွေးမပြည့်မီသောဆေးဝါးများ မရောင်းချရန် ဆိုင်ရှင်များအား အသိပညာပေး ညွှန်ကြားခဲ့ကြောင်း သိရသည်။
ထို့အပြင် ဆေးဝါးများကို စည်းကမ်းတကျ သိုလှောင်ထားရှိမှု ရှိ/မရှိ၊ ဆေးဆိုင်လိုင်စင် တရားဝင်ရှိမရှိတို့ကိုလည်း စစ်ဆေးခဲ့ပြီး လိုအပ်ချက်များကို ပြင်ဆင်ဆောင်ရွက်ရန် ညွှန်ကြားခဲ့ကြောင်း၊ စားသုံးသူများ၏ကျန်းမာရေးနှင့် ဘေးအန္တရာယ်ကင်းရှင်းရေးအတွက် ယခုကဲ့သို့ အဖွဲ့စုံဖြင့် ဈေးကွက်စောင့်ကြည့်စစ်ဆေးမှုများကို ဆက်လက်အရှိန်မြှင့်ဆောင်ရွက်သွားမည်ဖြစ်ကြောင်း သိရ သည်။
Doca(စစ်ကိုင်း)