စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံး၏ လမ်းညွှန်ချက်အရ တိုင်းအတွင်း ရှိခရိုင်ဦးစီးမှူးများအနေဖြင့် စားသုံးသူကာကွယ်ရေးဥပဒေကို ဌာနတွင်းဝန်ထမ်းအားလုံးသိရှိ နားလည်နိုင်စေရေးအတွက် ဥပဒေအား အသိပညာပေးဆွေးနွေးခြင်း လုပ်ငန်းကို ၂၀၂၅ခုနှစ်၊ ဒီဇင်ဘာလမှစ၍ ၂၀၂၇ခုနှစ်၊ ဖေဖော်ဝါရီလအထိ လစဉ်အခန်းများအလိုက် ခွဲခြား၍ တစ်လလျှင် တစ်ကြိမ် အသိပညာပေး ဆွေးနွေးဆောင်ရွက်သွားမည်ဖြစ်ရာ ပြည်ခရိုင်ဦးစီးမှူးရုံးအနေဖြင့် ၂၀၂၆ခုနှစ်၊ မတ်လ(၁၉)ရက်၊ နေ့လယ်(၁:၀၀)နာရီတွင် ပြည်ခရိုင်ဦးစီးမှူးရုံး အစည်းအဝေးခန်းမ၌ ပြည်တွင်းကုန်သွယ်မှုမြှင့်တင်ရေးဌာနခွဲတာဝန်ခံ ဦးစီးမှူး ဒေါ်ဆုမွန်ဆွေက ပြည်ခရိုင်အတွင်းရှိ ဝန်ထမ်း(၂၈)ဦးအား စားသုံးသူကာကွယ်ရေးဥပဒေ၏ အခန်း(၆) စစ်ဆေးရေးအရာရှိ၏ လုပ်ငန်း တာဝန်များ အခန်းအား အသိပညာပေးရှင်းလင်း ဆွေးနွေးခဲ့ကြောင်း သိရှိရပါသည်။
DOCA(ပဲခူး)