လက်ပံတန်းမြို့နယ်၌စားအုန်းဆီအရောင်းဆိုင်များ ရည်ညွှန်းဈေးနှုန်းနှင့်အညီရောင်းချ‌ရေးကွင်းဆင်းစစ်ဆေး

                       ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ်တွင် စားအုန်းဆီ လက်လီ/ လက် ကား ဖြန့်ဖြူးရောင်းချလျက်ရှိသော အရောင်းဆိုင်များကို  တိုင်းဒေသကြီးဦးစီးမှူး ဦးမြင့်အောင်၏  ကြီးကြပ်ဦးဆောင်မှုဖြင့် ခရိုင်နှင့်မြို့နယ် စားအုန်းဆီဖြန့်ဖြူးရောင်းချမှု ကြီးကြပ်ရေး အဖွဲ့ ၊ မြို့ နယ် အထွေထွေအုပ်ချုပ်ရေးဦးစီးဌာန၊ဒုတိယမြို့နယ်အုပ်ချုပ်ရေးမှူး ဦးကျော်လင်းနှင့် ဌာနဆိုင်ရာများ၊ ခရိုင်/  မြို့နယ်ဆီကုန်သည်နှင့် ဆီလုပ်ငန်းရှင်များအသင်းမှ တာဝန်ရှိသူများပါဝင်သော ပူးပေါင်း အဖွဲ့သည် မြို့မဈေးနှင့် လက်ကားအရောင်းဆိုင်များကို ကွင်းဆင်းစစ်ဆေးခဲ့ပါသည်။

                         ထိုသို့ဆောင်ရွက်ရာတွင် ပဲခူးတိုင်းဒေသကြီး စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူး ဦးမြင့်အောင် လက်ပံတန်းမြို့နယ် စားအုန်းဆီဖြန့်ဖြူးရောင်းချမှု ကြီးကြပ်ရေးအဖွဲ့နှင့်  ခရိုင်/ မြို့နယ်ဆီကုန်သည်နှင့် ဆီလုပ်ငန်းရှင်များအသင်းမှ တာဝန်ရှိသူ ပူးပေါင်းအဖွဲ့သည် စားအုန်းဆီဖြန့် ဖြူးရောင်းချသူများအနေဖြင့် သတ်မှတ်ရည်ညွှန်းဈေးအတိုင်း ဗီနိုင်းများချိတ်ဆွဲဖြန့် ဖြူးရောင်းချမှု ရှိ/မရှိ၊အလေးချိန် မှန်ကန်မှု ရှိ/မရှိ၊ဆီစာအုပ်များ စနစ်တကျ ရောင်းချပေးရေးနှင့် ရရှိသောဆီပိဿာ ချိန် ခွဲတမ်းများကို ပြည်သူများထံ အမှန်တကယ် ရောင်းချမှုရှိ/မရှိကို စစ်ဆေးဆောင်ရွက်ခဲ့သည်။ လက်ပံတန်းမြို့နယ်အနေဖြင့် မြို့ပေါ်(၄) ရပ်ကွက်၊ကျေးရွာအုပ်စု(၄၉) အုပ်စုရှိ အိမ်ထောင်စု တစ်စု လျှင် ဆီစာအုပ်တစ်အုပ်နှုန်းဖြင့် လက်ကားကိုယ်စားလှယ် (၃)ဦး၊ လက်လီအရောင်း (၅၀) ဦးမှ တစ်လလျှင် ဆီပေပါပေါင်း ၆၁၂ ပေပါ ဖြန့်ဖြူးရောင်းချလျက်ရှိပြီး ဌာနဆိုင်ရာများ၊အသင်းအဖွဲ့များ နှင့် ပင်စင်စားများကိုလည်း တစ်လတစ်ကြိမ် ရည်ညွှန်းဈေးနှုန်းဖြင့် ဖြန့်ဖြူးရောင်းချပေးလျက်ရှိ ကြောင်း သိရှိရပါသည်။

DOCA(ပဲခူး)