ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဓနုဖြူမြို့နယ် ဦးစီးမှူးရုံးမှ မြို့နယ်ဦးစီးမှူးဦးဝင်းမင်းစိုးနှင့် ဝန်ထမ်းများသည် မိတ်ဖက်ဌာနများဖြစ်သော စိုက်ပျိုးရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ (၁၀.၁၂.၂၀၂၀) ရက်နေ့ နေ့လယ် (၁၅း၀၀)နာရီအချိန်တွင် ဓနုဖြူမြို့ပေါ်ရှိ ဓါတ်မြေဩဇာရောင်းချလျက်ရှိသောဆိုင် (၆)ဆိုင်သို့ကွင်းဆင်း၍ မြင်းပျံအမှတ် တံဆိပ်ဓါတ် မြေဩဇာများတွင် ကုန်အညွှန်းအမှတ်အသားများကို မြန်မာဘာသာဖြင့် ဖော်ပြထားခြင်း ရှိ/ မရှိ ၊ အတုအပတံဆိပ်များရောင်းချခြင်း ရှိ/မရှိကို ကွင်းဆင်းစစ်ဆေး ခဲ့ကြပါ သည်။
အဆိုပါကွင်းဆင်းစစ်ဆေးမှုတွင် ဓနုဖြူမြို့ပေါ်ရှိ ဓါတ်မြေဩဇာရောင်းချသော ဆိုင်ရှင်များအား ပူးပေါင်းစစ်ဆေးရေးအဖွဲ့မှ သက်ဆိုင်ရာဌာန၏ခွင့်ပြုချက်မပါဝင်သောကုန်စည်များ၊ ထောက်ခံချက်မပါရှိ သောကုန်စည်များကို ဈေးကွက်အတွင်းမရောင်းချရန်နှင့် စားသုံးသူရေးရာဦးစီးဌာနကလည်း စားသုံးသူကာကွယ်ရေး ဥပဒေအရ မိမိတို့ရောင်းချနေသောကုန်စည်များတွင် ကုန်အညွှန်းအမှတ်အသားပြည့်စုံစွာ ဖော်ပြထားသော ကုန်ပစ္စည်းများသာ ဈေးကွက်အတွင်း ရောင်းချကြရန် ပြောကြားခဲ့ပါသည်။
ဆက်လက်၍ ပူးပေါင်းအဖွဲ့က မည်သည့်စီးပွားရေးလုပ်ငန်းရှင်မဆို စားသုံးသူကာကွယ်ရေးဥပဒေပါ တားမြစ်ချက်တစ်ရပ်ရပ်ကို ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ပုဒ်မ ၇၃ အရ အရေးယူခြင်းကိုခံယူမည်ဖြစ်ကြောင်းနှင့် ပူးပေါင်းစစ်ဆေးရေးအဖွဲ့တို့ကလည်း သက်ဆိုင်ရာဌာနတို့၏ဥပဒေတို့ဖြင့် အရေးယူဆောင်ရွက်နိုင်ကြောင်း၊ ဆိုင်ရှင်များမှ သိရှိလိုက်နာ ဆောင်ရွက်မည်ဖြစ်ကြောင်း လက်မှတ်ရေးထိုး မှတ်တမ်းရယူခဲ့ကြကြောင်း သတင်းရရှိပါသည်။
DOCA(ဧရာဝတီ)