၁၇.၆.၂၀၂၆ ရက်နေ့ နံနက် (၁၀:၀၀) နာရီအချိန်တွင် မွန်ပြည်နယ်၊ စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံရုံးမှ ဝန်ထမ်းများသည် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ကျိုက်မရောမြို့နယ်၊ ကျွန်းရွာကျေးရွာရှိ “ကျွန်း” အမှတ်တံဆိပ်ဖြင့် စားသောက်ကုန်များ ထုတ်လုပ်လျှက်ရှိရာ ဈေးကွက်မရောက်မီနှင့် ဈေးကွက်အတွင်းဖြန့်ဖြူးရောင်းချ လျှက်ရှိ သော စားသောက်ကုန်များအား ကုန်အညွှန်းအမှတ်အသားဖော်ပြမှု ပြည့်စုံစွာ ပါဝင်ခြင်း ရှိ / မရှိ တို့အား ကွင်းဆင်းစိစစ်ဆောင်ရွက်ခဲ့ပါသည်။
ထိုသို့ ကွင်ဆင်းစစ်ဆေးဆောင်ရွက်ရာတွင် မြို့နယ်တာဝန်ခံ ဦးစီးမှူး ဦးမင်းနောင် က ပြည်နယ်အစိုးရအဖွဲ့အစီအစဉ်ဖြင့် မိမိတို့ဒေသမှ MSME ပြပွဲများတွင် ဝင်ရောက် ပြသသော စားသောက်ကုန်များတွင် စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်ညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မခွဲ (ခ)နှင့် (ဆ)တို့ပါ အချက်များကို ကုန်အညွှန်းအမှတ်သားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍တွဲ လျက်ဖြစ်စေ ရေးသားဖော်ပြရမည်ဖြစ်ပြီး ကုန်စည်အမျိုးအစားအလိုက် သတ်မှတ်ထား သည့် ကုန်အညွှန်းအမှတ်အသားဖော်ပြမှု ပြည့်စုံစွာပါရှိစေရေးတို့အား လိုက်နာဆောင် ရွက်သွားနိုင်ရေး အသိပညာပေးပြောကြားခဲ့ကြောင်း သိရှိရပါသည်။
DOCA (မွန်)