ကယားပြည်နယ် စားသုံးသူရေးရာကော်မတီ (၁/၂၀၂၀) လုပ်ငန်းညှိနှိုင်းအစည်းအဝေးကို ဖေဖော်ဝါရီလ ၁၀ ရက် ညနေ ၂ နာရီတွင် ပြည်နယ်စားသုံးသူရေးရာဉီးစီးဌာန၊ အစည်းအဝေးခန်းမ၌ ကျင်းပခဲ့ပါသည်။
အစည်းအဝေးတွင် ပြည်နယ်စားသုံးသူရေးရာကော်မတီ ဥက္ကဌ စီမံကိန်း၊ ဘဏ္ဍာရေးနှင့် စက်မှု ဝန်ကြီး ဉီးမော်မော်မှ အဖွင့်အမှာစကားပြောကြားပြီး အတွင်းရေးမှူး ပြည်နယ်စားသုံးသူရေးရာဉီးစီး ဌာန ပြည်နယ်ဉီးစီးမှူး ဉီးကျော်ဝင်းက ကယားပြည်နယ်တွင် စားသုံးသူရေးရာကော်မရှင်ကို အဖွဲ့ဝင် (၉) ဉီးဖြင့် ဖွဲ့စည်းထားရှိမှုအခြေအနေ၊ ၂၀၁၉-၂၀၂၀ခုနှစ် ဘဏ္ဍာနှစ်အတွင်း စားသုံးသူ အကာအကွယ်ပေး ရေးဆိုင်ရာ လုပ်ငန်းဆောင်ရွက်ခဲ့မှုများဖြစ်သော မြန်မာနိုင်ငံ စားသုံးသူကာကွယ် ရေးဉပဒေ ၈၃ ပုဒ်မ၊ ပုဒ်မခွဲ (က) အရ လုပ်ပိုင်ခွင်ကို ကျင့်သုံးပြီး မြန်မာဘာသာနှင့် ဖြစ်စေ၊ မြန်မာဘာသာနှင့်တွဲလျက် အခြားဘာသာဖြင့် ဖော်ပြနိုင်ရေးအတွက် စီးပွားလုပ်ငန်းရှင်များနှင့် ထုတ်လုပ်သူများအား ခေါ်၍ အသိပညာပေးခြင်း၊ ကျောင်း၊ ရပ်ကွက်၊ ဈေးများ၊ ကျေးရွာများတို့ စားသုံးသူအကာအကွယ်ပေးရေး အသိပညာ ပေးခြင်းများ၊ ဈေးကွက်စောင့်ကြည့် ကွင်းဆင်းစစ်ဆေး ခြင်းစသည် လုပ်ငန်းများကို အကောင်အထည်ဖော်ဆောင်ရွက်နိုင်ခဲ့မှုအပေါ် စားသုံးသူရေးရာကော်မ ရှင်အဖွဲ့ဝင်များသို့ အသိအမှတ်ပြုအကြံပေးနိုင်ပါရန် ဆွေးနွေးတင်ပြခဲ့ပါသည်။
ထို့နောက် အစည်းအဝေးတွင် တက်ရောက်သူများက အတွင်းရေးမှူး ပြည်နယ်စားသုံးသူ ရေးရာဉီးစီးဌာန ပြည်နယ်ဉီးစီးမှူး ဉီးကျော်ဝင်းက ဆွေးနွေးတင်ပြခဲ့မှုများအပေါ် ဖြည့်စွက်ဆွေးနွေး သဘောတူလက်ခံပြီး ပြည်နယ်စားသုံးသူရေးရာကော်မတီ ဥက္ကဌ စီမံကိန်း၊ ဘဏ္ဍာရေးနှင့် စက်မှု ဝန်ကြီး ဉီးမော်မော်က ရှေ့ဆက်လက်လုပ်ဆောင်ရမည့် မိတ်ဖက်ဌာနဆိုင်ရာများ ပူးပေါင်း ပါဝင်ဆောင်ရွက်ပေးပါရန် အမှာစကားပြောကြားပြီး အစည်းအဝေးကို ရုပ်သိမ်းခဲ့ကြောင်း သတင်း ရရှိပါသည်။
ကယားပြည်နယ်
စားသုံးသူရေးရာဦးစီးဌာန