စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဌာနခွဲတာဝန်ခံ ဦးစီးမှူး ဦးစောသန်းထိုက်ကျော်သည် ဒီဇင်ဘာလ ၁၄ ရက်နေ့ နံနက်ပိုင်းက အုတ်တွင်းမြို့နယ် တဲကြီးကုန်း ကျေးရွာ အခြေခံပညာမူလတန်းလွန်ကျောင်း ကျောင်းဆောင်အမှတ်(၁)၌ တဲကြီးကုန်းကျေးရွာမှ ကျေးရွာသူ ကျေးရွာသားများအား စားသုံးသူကာကွယ်ရေးဆိုင်ရာ အသိပညာပေးဟောပြောခဲ့ပါသည်။
ရှေးဦးစွာစားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူ၏ အခွင့်အရေးများ၊ စားသုံးသူရေးရာ ဦးစီးဌာန၏ ဆောင်ရွက်ချက်များ၊ စားသုံးသူနစ်နာဆုံးရှုံးမှုဖြစ်ပေါ်ပါက တိုင်ကြားခြင်းဖြင့် စားသုံးသူအခွင့်အရေး ပြည့်ဝစွာရရှိရေး စားသုံးသူပြည်သူများကိုယ်တိုင် ပူးပေါင်း ပါဝင်ဆောင်ရွက်ကြရန် ဟောပြောဆွေးနွေးခဲ့ရာ ကျေးရွာနေပြည်သူ ၇၉ ဦး တက်ရောက်ခဲ့ပါသည်။
တစ်ချိန်တည်းတွင်ပင် အုတ်တွင်းမြို့နယ်တာဝန်ခံ ဒေါ်အေးအေးခိုင်သည် ကျောင်းဆောင် အမှတ်(၂)၌ ကျောင်းသားကျောင်းသူများအား စားသုံးသူအခွင့်အရေးနှင့်တာဝန်များ၊ စီးပွားရေးလုပ် ငန်းရှင်များ၏တာဝန်များ၊ ကုန်စည်များတွင် ကုန်အညွှန်းအမှတ်အသား ဖော်ပြခြင်းဆိုင်ရာများနှင့် ကုန်စည်များဝယ်ယူစားသုံး/သုံးစွဲရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့် သည့်အကြောင်းများကို ဟောပြောဆွေးနွေးရာ ကျောင်းသားကျောင်းသူ ၁၃၅ ဦး တက်ရောက်ခဲ့ပါ သည်။
ဟောပြောပွဲအပြီးတွင် ခရိုင်ဦးစီးမှူးရုံးမှ ဌာနခွဲတာဝန်ခံနှင့် မြို့နယ်တာဝန်ခံတို့သည် ကျောင်းအုပ်ကြီးရုံးခန်း၌ ကျေးရွာအတွင်း မွေးမြူရေးလုပ်ငန်းဆောင်ရွက်သူ လုပ်ငန်းရှင်များနှင့် တွေ့ဆုံ၍ လုပ်ငန်းဆောင်ရွက်မှုအခြေအနေ၊ ဈေးကွက်အခြေအနေများကို ဆွေးနွေးပြီး စားသုံးသူ ကာကွယ်ရေးဥပဒေပါ စီးပွားရေးလုပ်ငန်းရှင်များနှင့် သက်ဆိုင်သည့် ပြဌာန်းချက်များနှင့်အညီ ဆောင်ရွက်ရေး ၊ စားသုံးသူစိတ်ကျေနပ်မှုရှိစေရေးတို့ကို ဆွေးနွေးခဲ့ကြောင်း သိရှိရပါသည်။
DOCA(ပဲခူး)