စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဒေါ်ကြူကြူလှိုင်နှင့်ဝန်ထမ်း သည်(၁၉.၈.၂၀၂၆)ရက်နေ့၊ နေ့လယ်(၁၃:၀၀)အချိန်တွင် မိတ်ဖက်ဌာနများ ဖြစ်သော ပြန်ကြားရေးနှင့် ပြည့်သူ့ဆက်ဆံရေးဦးစီးဌာန၊ မွေးမြူရေးနှင့် ကုသရေးဦးစီးဌာနတို့နှင့် အတူပူးပေါင်း၍ ရွာခိုင်ကျေးရွာ အခြေခံပညာအထက်တန်းကျောင်း၌ စားသုံးသူကာကွယ်ရေးဆိုင်ရာ အသိပညာပေးဟောပြောပွဲပြုလုပ်ခဲ့ရာ ဌာနဆိုင်ရာ(၄)ဦး၊ ဆရာ/ဆရာမ(၅)ဦးနှင့် ကျောင်းသား/ ကျောင်းသူ(၂၁၅)ဦး၊ စုစုပေါင်း (၂၂၄)ဦး တက်ရောက်ခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ကြူကြူလှိုင်က စားသုံးသူကာကွယ်ရေးဥပဒေပါ စားသုံးသူများ၏အခွင့်အရေးနှင့် တာဝန်များ၊ ကုန်အညွှန်းအမှတ် အသားများနှင့် စပ်လျဉ်း၍ သိကောင်းစရာများကို ဟောပြောဆွေးနွေးခဲ့ပြီး စားသုံးသူများ နစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့်နည်းလမ်းများဖြစ်သော လူကိုယ်တိုင်လာရောက် တိုင်ကြားခြင်း၊ တယ်လီဖုန်းဖြင့် ဆက်သွယ်တိုင်ကြားခြင်း၊ Consumer Call Center (1535) သို့ ဖုန်းခေါ်ဆို၍ တိုင်ကြားနိုင်ပုံအဆင့်ဆင့်တို့ကို အသေးစိတ်ရှင်းလင်းဟောပြောကာ ကျောင်းသား/ ကျောင်းသူများမှ သိလိုသည်များမေးမြန်းမှုကို ပြန်လည်ဖြေကြားခဲ့ကြောင်း သိရှိရပါသည်။
DOCA(မကွေး)