စားသုံးသူရေးရာဦးစီးဌာန၊ ချောက်ခရိုင်၊ ချောက်မြို့နယ် တာဝန်ခံဒေါ်မြတ်မြတ်မိုးနှင့် ဒေါ်ချိုဝေလွင် (ဒု-ဦးစီးမှူး)တို့သည် သက်ဆိုင်ရာရပ်ကျေးဥက္ကဋ္ဌ၊ ကျောင်းအုပ်ကြီးများနှင့် ချိတ်ဆက်ပြီး စားသုံးသူများအသိပညာတိုးပွားရေး၊ ဘေးအန္တရာယ်ကင်းရှင်းစေရေး၊ ဌာနပုံရိပ်မြှင့်တင်နိုင်ရေးတို့အတွက် (၁၄.၁၂.၂၀၂၂) ရက်နေ့တွင် အမက(ဗဟိုကွက်သစ်ကျောင်း)၌ ဆရာ/ ဆရာမ(၇)ဦး၊ ကျောင်းသား/သူ(၉၇)ဦး အားလည်းကောင်း၊ (၁၅.၁၂.၂၀၂၂) ရက်နေ့တွင် အမက(၈၇) ရွှေသူဌေးရပ်၌ ဆရာ/ဆရာမ (၁၀)ဦး၊ ကျောင်းသား/သူ (၁၁၀)ဦးအားလည်းကောင်း၊ (၁၆.၁၂.၂၀၂၂)ရက်နေ့တွင် မူလတန်းလွန်ကျောင်း (စိန့်ထရီဇာ)၌ ဆရာ/ဆရာမ (၆)ဦး၊ ကျောင်းသား/ကျောင်းသူ (၁၃၇)ဦးတို့အားလည်းကောင်း စားသုံးသူကာကွယ်ရေးအသိပညာပေးဆွေးနွေးခြင်း ဆောင်ရွက်ခဲ့ကြောင်း သိရှိရပါ သည်။
အသိပညာပေးဟောပြောပွဲများတွင်ချောက်မြို့နယ်တာဝန်ခံ ဒေါ်မြတ်မြတ်မိုးနှင့် ဒေါ်ချိုဝေလွင် တို့မှ စားသုံးသူရေးရာဦးစီးဌာန၏ ဆောင်ပုဒ်(Motto)၊ မျှော်မှန်းချက်(Vision)၊ ရည်မှန်းချက်(Mission)များ၊ စားသုံးသူကာကွယ်ရေးဥပဒေ-၂၀၁၉ပါ စားသုံးသူများရရှိနိုင်မည့် အခွင့်အရေး(၈)ချက်၊ လိုက်နာရမည့် တာဝန်(၄)ချက်နှင့် အခန်း(၁၈)ပါ ကုန်အညွှန်းအမှတ်အသားများတွင် မြန်မာဘာသာဖြင့်ပြည့်စုံစွာ ပါဝင်ရမည့်အချက်များ၊ စားသုံးသူနစ်နာဆုံးရှုံးမှုများအတွက် တိုင်ကြားနိုင်သူများ၊ တိုင်ကြားပုံနည်းလမ်းနှင့် Internet Mobile Application တွင်ဝင်ရောက်တိုင်ကြားပုံ၊ Consumer Call No.1535 သို့ ခေါ်ယူတိုင်ကြားနိုင်မှုတို့အား အသေးစိတ်ရှင်းလင်းဆွေးနွေးခဲ့ပြီး တက်ရောက်သူဆရာ/ဆရာမများနှင့် ကျောင်းသား/ ကျောင်းသူများအား စားသုံးသူအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(မကွေး)