၁၈.၉.၂၀၂၆ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင် ခရိုင်၊ ကျိုက်မရောမြို့နယ်တာဝန်ခံသည် မြို့နယ်ဥပဒေရုံး၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ တိုင်းရင်းသားရေးရာဦးစီးဌာနတို့နှင့် ပူးပေါင်း၍ ကျိုက်မရော မြို့နယ်၊ အ.လ.က (ခွဲ) ကလိုင်းကနိုင် စာသင်ကျောင်း၌ စားသုံးသူကာကွယ်ရေး ဆိုင်ရာ အသိပညာပေးဟောပြောပွဲကို ကျင်းပပြုလုပ်ခဲ့ပါသည်။
အဆိုပါ ဟောပြောပွဲတွင် စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံ ဦးမင်းနောင်က ကျောင်းသား၊ ကျောင်းသူများအား စားသုံးသူအခွင့်အရေးနှင့် တာဝန်များ၊ လုံခြုံစိတ်ချရသော စားသောက်ကုန်များကို ရွေးချယ်ဝယ်ယူစားသုံးနည်း၊ ကုန်အညွှန်း အမှတ်အသားများကို စစ်ဆေးဖတ်ရှုသည့် အလေ့အကျင့်တို့ကို အသိပညာပေး ဟောပြောဆွေးနွေးခဲ့ပါသည်။
ထို့နောက် ကျောင်းမုန့်ဈေးတန်း၌ ရောင်းချလျက်ရှိသော စားသောက်ကုန်များအား ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြထားမှု ရှိ/မရှိ၊ သန့်ရှင်းသပ်ရပ်မှုနှင့် စားသုံးရန် ဘေးအန္တရာယ်ကင်းရှင်းစေရေးတို့အတွက် အသိပညာပေး ကွင်းဆင်းစစ်ဆေး ဆောင်ရွက်ခဲ့ကြောင်း သိရှိရပါသည်။
DOCA (မွန်)