စားသုံးသူရေးရာဦးစီးဌာန ၊ ပဲခူးတိုင်းဒေသကြီးဦးစီးမှူးဦးဆောင်၍ တိုင်းဒေသကြီးဦးစီးမှူးရုံးမှ စားသုံးသူရေးရာဌာနခွဲတာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲ တာဝန်ခံတို့ပါဝင်သော အဖွဲ့သည် ဒီဇင်ဘာလ ၂၆ ရက်နေ့ ၊ နံနက်ပိုင်းတွင် ပဲခူးတက္ကသိုလ်သို့ သွားရောက်၍ စားသုံးသူကာကွယ်ရေးနှင့် စပ်လျဉ်း၍ အသိပညာပေး ဟောပြောခဲ့ပါသည်။
ဟောပြောပွဲတွင် ပဲခူးတက္ကသိုလ် ၊ ပါမောက္ခချုပ်မှ အဖွင့်အမှာစကားပြောကြားပြီး စားသုံးသူ ရေးရာဦးစီးဌာန ၊ ပဲခူးတိုင်းဒေသကြီးဦးစီးမှူးမှ စားသုံးသူရေးရာဦးစီးဌာန နှင့် အစားအသောက်နှင့် ဆေးဝါးကွပ်ကဲရေး ဦးစီးဌာန ကွဲပြားခြားနားခြင်း အကြောင်းအရာများ ၊ စားသုံးသူရေးရာဦးစီးဌာန စတင်ပေါ်ပေါက်လာပုံ ၊ လက်ရှိဆောင်ရွက်နေသည့် အခန်းကဏ္ဍများ ၊ စားသုံးသူကိစ္စရပ်များ အပြင် ပြည်တွင်းကုန်သွယ်မှု ဖွံ့ဖြိုးတိုးတက်ရေးအတွက် ဆောင်ရွက်နေသည့် အခန်းကဏ္ဍများကို မိတ်ဆက်ပြောကြားခဲ့ပါသည်။
ဆက်လက်၍ ပဲခူးတိုင်းဒေသကြီးဦးစီးမှူးရုံးမှ စားသုံးသူရေးရာဌာနခွဲတာဝန်ခံက စားသုံးသူ ကာကွယ်ရေး ဥပဒေပါ စားသုံးသူအခွင့်အရေးနှင့် တာဝန်များ ၊ အဓိပ္ပာယ်ဖွင့်ဆိုချက်များ ၊ စားသုံးသူ နစ်နာဆုံးရှုံးမှုများအတွက် တိုင်ကြားနိုင်ခြင်းများ ၊ စားသုံးသူရေးရာဦးစီးဌာန၏ Website ကို ဝင်ရောက်၍ ကြည့်ရှုလေ့လာသင့်သည့် အချက်အလက်များကို လည်းကောင်း ၊ တိုင်ကြားရမည့် ပုံစံများအား တစ်ဆင့်ချင်း သိရှိနိုင်ရန် ရှင်းလင်းဆွေးနွေးခဲ့ပြီး ထုတ်ကုန်လုံခြုံစိတ်ချရမှု ဌာနခွဲ တာဝန်ခံမှ စားသုံးသူကာကွယ်ရေး ဥပဒေပါ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ရှင်းလင်းဆွေးနွေးခဲ့ပါသည်။
ဆက်လက်၍ အစားအသောက်နှင့် ဆေးဝါးကွပ်ကဲရေးဦးစီးဌာန ၊ ပဲခူးတိုင်းဒေသကြီးဦးစီးမှူးမှ အစားအသောက် ၊ ဆေးဝါး ၊ ဆေးပစ္စည်းနှင့်အလှကုန် ဘေးအန္တရာယ်ကင်းရှင်းရေး ခေါင်းစဉ်ဖြင့် ဆွေးနွေးဟောပြောခဲ့ပြီး ဟောပြောပွဲသို့ ပဲခူးတက္ကသိုလ် ပါမောက္ခချုပ် ၊ ဒုတိယ ပါမောက္ခချုပ် ၊ သက်ဆိုင်ရာ ဌာနမှူးများနှင့်တကွ ကျောင်းသား/ကျောင်းသူ (၂၅၀)ကျော် တက်ရောက်ကြောင်း သိရှိရပါသည်။
DOCA(ပဲခူး)