ကယားပြည်နယ် လယ်ယာထွက်ကုန်သီးနှံဖြစ်သည့် စပါး၊ ပြောင်း၊ နှမ်းနှင့် ပဲအမျိုးမျိုးတို့ကိုအဓိကစိုက်ပျိုးကြပါသည်။ ၂၀၂၂ ခုနှစ်အတွင်း ကယားပြည်နယ်မှ အခြားဒေသများသို့ ဆန်တင်ပို့မှုမှာ(၁၄၁၃၃)အိတ်(၇၀၇)တန်၊ ပြောင်းတင်ပို့မှုမှာ(၃၄၅၁၁၁)အိတ်(၁၆၉၀၆)တန်ခန့်၊ နှမ်းတင်ပို့မှုမှာ(၁၉၂၃၄)အိတ်(၉၄၂)တန်ခန့်၊ ပဲအမျိုးမျိုးတင်ပို့မှုမှာ(၁၀၄၆၃)အိတ်(၅၁၃)တန်ခန့် တင်ပို့ခဲ့ကြောင်း၊ အခြားဒေသများမှ ပြည်နယ်အတွင်းသို့ ဆန်တင်သွင်းမှုမှာ (၂၆၈၀၀)အိတ် (၁၃၄၀)တန်ခန့်တင်သွင်းခဲ့ကြောင်း၊ ယခင်နှစ်နှင့်နှိုင်းယှဉ်ကြည့်လျှင် ဆန်တင်ပို့မှု(၅၉၇၉၈) အိတ်(၂၉၉၀)တန်ခန့်၊ ပြောင်းတင်ပို့မှု(၁၆၃၁၈၈)အိတ်(၇၉၉၄)တန်ခန့်၊ နှမ်းတင်ပို့မှု(၄၈၃၆) အိတ်(၂၃၇)တန်ခန့်နှင့် ဆန်တင်သွင်းမှု (၄၁၈၃၀)အိတ်(၂၀၉၂)တန်ခန့် တင်ပို့/တင်သွင်းမှု လျော့နည်းလာခဲ့ကြောင်း၊ တင်ပို့/တင်သွင်းလျော့နည်းလာရခြင်းမှာ ၂၀၂၂ ခုနှစ်အတွင်း ဒေသအခြေအနေအရ တောင်သူများစိုက်ပျိုးရာသီချိန်တွင် အချိန်မှီမစိုက်ပျိုးနိုင်ခြင်း၊ သွင်းအားစု ဈေးနှုန်းများကြီးမြှင့်လာခြင်းတို့ကြောင့်ဖြစ်သည်ဟု သုံးသပ်မိပါသည်။
DOCA(ကယား)