စစ်ကိုင်းတိုင်းဒေသကြီး၊ ကလေးခရိုင်၊ ကလေးမြို့၊ ညောင်ပင်သာရပ်ကွက်ရှိ ဆေးနှင့် ဆေးပစ္စည်းအရောင်းဆိုင်များသို့ စားသုံးသူရေးရာဦးစီးဌာနနှင့် အစားအသောက်နှင့်ဆေးဝါးကွပ်ကဲရေး ဦးစီးဌာနတို့ ပူးပေါင်း၍ ( ၁၀.၁.၂၀၂၃ ) ရက်နေ့က ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရှိရပါသည်။
ထိုသို့ ဈေးကွက်စောင့်ကြည့်စစ်ဆေးရာတွင် Diclon – M ( Diclofenac Sodium 50mg, Paracetamol 500 g ) အမှတ်တံဆိပ်ဖြင့် ပုံစံတူဆေးဝါးများ ရောင်းချမှု ရှိ/မရှိ သွားရောက်စစ်ဆေး ခဲ့ခြင်းဖြစ်ပါသည်။
ဆေးနှင့်ဆေးပစ္စည်းရောင်းချသူများအနေဖြင့် မိမိတို့ရောင်းချနေသော ဆေးနှင့် ဆေးပစ္စည်းများကို သက်ဆိုင်ရာဌာနများမှ တားမြစ်ထားသည့် ဆေးဝါးများ၊ သက်တမ်းလွန်ဆေးဝါးများ ရောင်းချခြင်း မပြုရန်၊ ( ၂/၂၀၁၉ ) ညွှန်ကြားချက်ပါ ဆေးဝါးနှင့် ဖြည့်စွက်စာများတွင် မဖြစ်မနေဖော်ပြပါရှိရမည့် ကုန်အညွှန်းအမှတ်အသားများနှင့် ကိုက်ညီမှုရှိသော ဆေးနှင့် ဆေးပစ္စည်းများကိုသာ ဖြန့်ဖြူး ရောင်းချရန် အသိပညာပေးဆွေးနွေးခဲ့ကြောင်း သတင်းရရှိပါသည်။
DOCA(စစ်ကိုင်း)