၂၀၂၂ - ၂၀၂၃ ခုနှစ် ဆောင်းသီးနှံ နွေစပါးစိုက်တောင်သူများအား နိုင်ငံစီးပွားမြှင့်တင်ရေး ရန်ပုံ ငွေဖြင့် ဆောင်ရွက်မည့် နွေစပါးစီမံကိန်းစာချုပ်ချုပ်ဆိုခြင်းနှင့် တောင်သူများ၏ သွင်းအားစုကျပ် နှစ်သိန်းတန်ဖိုးရှိ ဓာတ်မြေဩဇာ၊ ပိုးသတ်ဆေးမျိုးစေ့ထုတ်ပေးနိုင်ရေးအား ကော့မှူးမြို့နယ်၊ စိုက်ပျိုးရေးဦးစီးဌာနဦးစီးမှူးရုံးတွင် ဇန်နဝါရီလ (၆) ရက် နံနက် ၉ နာရီခွဲက ကျင်းပခဲ့ကြောင်း သိရသည်။
အဆိုပါ ဆောင်းသီးနှံ နွေစပါးသွင်းအားစု ချေးငွေစာချုပ်ချုပ်ဆိုသည့် အခမ်းအနားတွင် မြန်မာနိုင်ငံလယ်ယာစီးပွားရေးအများပိုင်ကုမ္ပဏီ (MAPCO)မှ ၂၀၂၂-၂၀၂၃ ခုနှစ် နွေစပါး ကန်ထရိုက် လယ်ယာလုပ်ငန်းစိုက်ပျိုးထုတ်လုပ်သည့် တောင်သူ (၆)ဦး စိုက်ဧက (၇၅) ဧကတို့အား သွင်းအားစု အမျိုးအစား ယူရီးယား၊ ကွန်ပေါင်း ဓာတ်မြေဩဇာတို့အား အချိန်မှီ ထုတ်ပေးနိုင်ရေးအတွက် စာချုပ်ချုပ်ဆိုသည့် လုပ်ငန်းများဆောင်ရွက်နိုင်ခဲ့ကြောင်း သိရသည်။
ဆောင်းသီးနှံ နွေစပါးသွင်းအားစု ချေးငွေစာချုပ်ချုပ်ဆိုသည့် အခမ်းအနားသို့ ကော့မှူးမြို့ နယ်ရှိ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှ မြို့နယ်ဦးစီးမှူး၊ သမဝါယမဦးစီးဌာနမှ မြို့နယ်ဦးစီးမှူး၊ စက်မှုလယ်ယာဦးစီးဌာနမှ မြို့နယ်ဦးစီးမှူး၊ မြန်မာ့လယ်ယာဖွံ့ဖြိုးဘက်မှ မြို့နယ် မန်နေဂျာ၊ စီမံကိန်းရေးဆွဲရေးဦးစီးဌာနမှ မြို့နယ်ဦးစီးမှူး၊ ဆည်မြောင်းဦးစီးဌာနမှ မြို့နယ်ဦးစီးမှူး၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံနှင့် မြို့နယ်စိုက်ပျိုးရေးဦးစီးဌာနမှ မြို့နယ် ဦးစီး မှူးတို့ တက်ရောက်ခဲ့ကြောင်း သိရသည်။
DOCA(ရန်ကုန်)