စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် ၂၀၂၃ ခုနှစ် ၊ ဇန်နဝါရီလ (၁၃)ရက်နေ့ နံနက်(၁၁း၀၀)နာရီအချိန်တွင် မိတ္ထီလာတက္ကသိုလ် ၊ ဘွဲ့နှင်းသဘင်ခန်းမ၌ စားသုံးသူကာကွယ်ရေးအသိပညာဟောပြောဆွေးနွေးဆောင်ရွက်ခဲ့ရာ အဆိုပါဟောပြော ဆွေးနွေးပွဲတွင် ဌာနဆိုင်ရာများ ၊မိတ္ထီလာတက္ကသိုလ်မှပါမောက္ခချုပ်၊ ဒုတိယပါမောက္ခချုပ်၊ မော်ကွန်းထိန်း၊ ဌာနမှူးဆရာ/ဆရာမများ၊ကျောင်းသား/ကျောင်းသူများ စုစုပေါင်း(၇၆၅)ဦး တက်ရောက်ခဲ့ပါသည်။
အဆိုပါအခမ်းအနားတွင် မိတ္ထီလာတက္ကသိုလ်ပါမောက္ခချုပ် ဒေါက်တာဘဟန်မှ စားသုံးသူကာကွယ်ပေးရေးသည် အလွန်အရေးကြီးဆုံး၊ နိုင်ငံတကာမှာလည်း Connsumer Right သည် အရေးပါကြောင်း ယခုလိုစားသုံးသူကာကွယ်ရေးနှင့်ပတ်သက်၍ အသိပညာများလာရောက် ဟောပြောဆွေး နွေးခြင်းအတွက်လည်း ကျေးဇူးတင်ရှိကြောင်း အဖွင့်အမှာစကား ပြောကြားခဲ့ပါသည်။ ဆက်လက်၍ စားသုံးသူရေးရာဦးစီးဌာန၊မိတ္ထီလာခရိုင်ဦးစီးမှူး၊ ဦးဇော်မင်းမှ စားသုံးသူကာကွယ်ရေးဥပဒေကို ၂၀၁၉ ခုနှစ်မတ်လ(၁၅)ရက်နေ့တွင်ဖြင့် ပြဌာန်းခဲ့ကြောင်း၊ ဥပဒေတွင်ပါရှိသည့် စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များအကြောင်း၊ စီမံခန့်ခွဲရေးနည်းလမ်းအရ အရေးယူ ခြင်းများ၊ စီးပွားရေးလုပ်ငန်းရှင်၏ တာမြစ်ချက်များ၊ ပြစ်မှုပြစ်ဒဏ်များ၊ ကုန်စည်နှင့်သက်ဆိုင်သည့် ကုန်အညွှန်းအမှတ်အသားတွင်ဖော်ပြရမည့် သတ်မှတ်ချက်များ၊ ကုန်အညွှန်းအမှတ်အသားနှင့် စပ်လျဉ်းသည့်ပြစ်မှုပြစ်ဒဏ်များအကြောင်း စားသုံးသူများအနေဖြင့် ကုန်စည်နှင့်ဝန်ဆောင်မှုများနှင့် ပတ်သက်၍ နစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင် ရွက်ရေးစင်တာ CICC Page ၊DOCA Myanmar Mobile Application ဖြင့်သော်လည်းကောင်း၊ ဖုန်းနှင့်သော်လည်းကောင်း ဆက်သွယ်တိုင်ကြားနိုင်ကြောင်း ရှင်းလင်းအသိပညာပေး ဆွေးနွေးခဲ့ပါသည်။ တက်ရောက်လာသောဆရာ/ဆရာမများမှလည်း သိရှိလိုသည်များကို မေးမြန်းဆွေးနွေးခဲ့ရာ ခရိုင်ဦးစီးမှူးမှ ပြန်လည်ရှင်းလင်းဖြေကြားခဲ့ပြီး အခမ်းအနားကို မွန်းလွဲ(၁၂း၃၀) အချိန်တွင် ရုတ်သိမ်းခဲ့ပါသည်။
DOCA(မန္တလေး)