ပဲခူးတိုင်းဒေသကြီး ၊ သာယာဝတီခရိုင် ၊ သာယာဝတီမြို့နယ် ၊ ဒေါဝိကျေးရွာအုပ်စု ၊ ပြည်ဇင်ကုန်းကျေးရွာ ၊ ဇန်နဝါရီလတွင် ပြုလုပ်ခဲ့သည့် အထွေထွေ အုပ်ချုပ်ရေးဦးစီးဌာနမှ ဦးဆောင်၍ မိတ်ဖက်ဌာနများဖြစ်သော ကျန်းမာရေး ၊ မြန်မာနိုင်ငံရဲတပ်ဖွဲ့ ၊ လဝက ၊ ဆည်မြောင်း ၊ စက်မှုလက်မှု ၊ မြေစာရင်း ၊ အသေးစားစက်မှု ၊ စိုက်ပျိုးရေး ၊ မွေးမြူရေးဌာန ၊ စားသုံးသူရေးရာဦးစီးဌာနတို့ပါဝင်သော ပူးပေါင်းအဖွဲ့သည် စိုက်ပျိုးရေး ၊ မွေးမြူရေး ကုန်ထုတ်လုပ်ငန်းများ ဖွံ့ဖြိုးတိုးတက်ရေးအတွက် အသိပညာပေး ဟောပြောပွဲ ကျင်းပပြုလုပ်ခဲ့ပါသည်။
အဆိုပါ အသိပညာပေး ဟောပြောပွဲတွင် စားသုံးသူရေးရာဦးစီးဌာန ၊မြို့နယ်တာဝန်ခံမှ စိုက်ပျိုးရေး သီးနှံဖြစ်သည့် နေကြားသီးနှံနှင့် ပတ်သက်၍ စတင်စိုက်ပျိုးချိန်မှစ၍ ယခုအစေ့အဆံများ အောင်မြင်ချိန်အထိ ဂရုစိုက်ဆောင်ရွက်ရန်နှင့် ထွက်ရှိလာသော နေကြာသီးနှံများအား ဈေးကွက်ဝင် ဈေးထိုးဖောက်ဝင်ရောက်နိုင်ရန် ကူညီချိတ်ဆက်ဆောင်ရွက်ပေးမည်ဖြစ်ပြီး နေကြာသီးနှံများ အောင်မြင် ဖြစ်ထွန်းလာပါက ပြည်သူများ စားသုံးဆီ ဖူလုံစွာ သုံးစွဲနိုင်မည်ဖြစ်ကြောင်း ဆွေးနွေးဟောပြော၍ လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(ပဲခူး)