စာသုံးသူကာကွယ်ရေးအသိပညာများရရှိဖို့ စာသင်ကျောင်းများသို့ အသိပညာပေးဟောပြောဆွေးနွေးစို့

           စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏ လမ်းညွှန်မှုဖြင့်ပခုက္ကူခရိုင်ဦးစီးမှူးရုံးမှ ဦးစီးမှူး ဦးမြတ်မင်းနှင့်အငယ်တန်းစာရေး ဒေါ်ခိုင်ဇင်ကျော် တို့သည် (၂၄.၁.၂၀၂၃)ရက်နေ့ နံနက်(၀၉:၁၅)အချိန်တွင်  စားသုံးသူ၏အခွင့်အရေးနှင့်တာဝန်များကို သိရှိစေရန် ရည်ရွယ်၍ ပခုက္ကူမြို့နယ်၊ ရွာသစ်ကုန်းကျေးရွာ၊ အမှတ်(၆၂)ကျောင်းသို့ သွားရောက်၍ အသိပညာပေးဟောပြောပွဲ ကျင်းပပြုလုပ်ခဲ့ရာ စာသင်ကျောင်းမှ ဆရာ/ဆရာမ(၇)ဦးနှင့် ကျောင်းသား/ ကျောင်းသူ(၅၅)ဦး၊ မိဘပြည်သူ(၄၅)ဦး စုစုပေါင်း(၁၀၀)ဦး တက်ရောက်ခဲ့ပါသည်။

          ဦးစီးမှူး ဦးမြတ်မင်းက ဆွေးနွေးရာတွင် စားသုံးသူရေးရာဦးစီးဌာန ပေါ်ပေါက်လာပုံ စားသုံး သူများ၏ အခွင့်အရေးနှင့် အကျိုးစီးပွားကာကွယ်နိုင်ရန်အတွက် စားသုံးသူကာကွယ်ရေးဥပဒေ ကိုပြဌာန်းထားကြောင်း၊ စားသုံးသူ၊ ကုန်စည်နှင့်ဝန်ဆောင်မှုအကြောင်း၊ စားသုံးသူအခွင့်အရေးနှင့် တာဝန်များအကြောင်း၊ တားမြစ်ချက်များ၊ ပြစ်မှုနှင့်ပြစ်ဒဏ်များအကြောင်းဆွေးနွေးခြင်း၊ စားသုံး သူများအနေဖြင့် မိမိတို့ဝယ်ယူသည့် ကုန်စည်များတွင် အာမခံချက်ပေးထားမှုများပါရှိပါက အာမခံမှု အပေါ် တောင်းဆိုနိုင်သည့် အခွင့်ရေးများကို သိရှိစေရန်နှင့် အခွင့်အရေးချိုးဖောက်ခံရပါက မှန်ကန် ပြည့်စုံသည့် အထောက်အထားများနှင့်အတူ စားသုံးသူနစ်နာဆုံးရှုံးမှုများအတွက် လာရောက်တိုင် ကြားခြင်းဖြင့်ကုစားမှုများပေးနိုင်မည်ဖြစ်ကြောင်း ဆွေးနွေးခဲ့ပါ သည်။

          အငယ်တန်းစာရေး ဒေါ်ခိုင်ဇင်ကျော်က ဆွေးနွေးရာတွင်အခန်း(၁၈)ပါ ကုန်အညွှန်းအမှတ် အသားဖော်ပြခြင်းနှင့်စပ်လျဉ်း၍ ကုန်စည်ပေါ်တွင်ထည့်သွင်းရမည့်အချက်အလက်များ ပါဝင်သော အစားအသောက်များကို ဝယ်ယူသုံးစွဲမှသာ စီးပွားရေးလုပ်ငန်းရှင်များနှင့် စားသုံးသူမိဘပြည်သူများ လုံခြုံစိတ်ချရမှုရှိပြီး အကျိုးစီးပွားများဖြစ်ထွန်းမည်ဖြစ်ကြောင်း အသေးစိတ်ရှင်းလင်းဆွေးနွေးခဲ့ပါသည်။

        ဆက်လက်၍ ဦးစီးမှူး ဦးမြတ်မင်းက မိဘပြည်သူများမှသိရှိလိုသည်များ  မေးမြန်းမှုများကို ပြန်လည်ဖြေကြားခြင်း၊ စားသုံးသူသတင်းပြန်ကြားရေးနှင့်တိုင်ကြားမှု လက်ခံဆောင်ရွက်ရေးစင်တာကိုလည်း ဖွင့်လှစ်ထားရှိပြီးဖြစ်ကြောင်း၊ တိုင်ကြားနိုင်သည့် နေရာများနှင့်နည်းလမ်းများအကြောင်း၊ စားသုံးသူရေးရာကိစ္စများ စုံစမ်းမေးမြန်းရန်အတွက် Consumer Call Center (၁၅၃၅)အား ဖွင့်လှစ်ထားကြောင်း၊ ဟောပြောမှုအား နားလည်မှုစွမ်းရည် မေးမြန်းခြင်းနှင့်စားသုံးသူကာကွယ်ရေး လက်ကမ်း စာစောင်များအား ဖြန့်ဝေပေးခဲ့ပါကြောင်းသတင်းရရှိပါသည်။

DOCA(မကွေး)