စားသုံးသူမိဘပြည်သူများ ဈေးနှုန်းသက်သာစွာဝယ်ယူသုံးစွဲနိုင်ရေးအတွက် စားသုံးဆီတင် သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် စားအုန်းဆီကမ္ဘာ့ဈေးနှုန်း ဖြစ်ပေါ် ပြောင်းလဲမှုနှင့် အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေး ထိန်းကျောင်း ဆောင်ရွက်လျက်ရှိရာ (၂၃.၁.၂၀၂၃ မှ ၂၉.၁.၂၀၂၃) ရက်နေ့အထိ ရန်ကုန်အထိုင်ဈေး၊ လက်ကားဈေး နှုန်းများမှာ စားအုန်းဆီတစ်ပိဿာလျှင် ၄၄၄၀ ကျပ်ဖြစ်ကြောင်း သိရှိရပါသည်။
အဆိုပါရန်ကုန်အထိုင်ဈေး ရည်ညွှန်းလက်ကားဈေးနှုန်းအပေါ် သယ်ယူကုန်ကျစရိတ်များ ပေါင်း၍ ၂ ရာခိုင်နှုန်းအမြတ်ထက် မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူး ရောင်းချရန်၊ လက်လီဈေးကွက်အတွင်း ဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းချခြင်းနှင့် ဈေးနှုန်းအဆမတန်ရောင်းချနေမှုများ ရှိ/မရှိစေရေးတို့အတွက် စားသုံးသူရေးရာဦးစီးဌာန၊ အရှေ့ပိုင်း ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းလတ်နှင့် ဝန်ထမ်းများသည် (၂၇.၁.၂၀၂၃) ရက်နေ့တွင် သင်္ဃန်းကျွန်းမြို့နယ်၊ ရေနံ့သာလမ်း၊ ရေနံ့သာဈေးအနီး (၂၄) ရပ်ကွက်နေပြည်သူများအား ဈေးကား အမှတ်(၁)ဖြင့်လည်း ကောင်း၊ သံသုမာလမ်းနှင့် သိပ္ပံလမ်းထိပ်နေပြည်သူများအား ဈေးကားအမှတ် (၂)ဖြင့်လည်းကောင်း၊ တစ်ဦးလျှင် တစ်ပိဿာ(၄၆၅ဝိ/-) နှုန်းဖြင့် စားသုံးသူပြည်သူများအား Zabu Kan Tun Trading Co.,Ltd မှ တန်းစီစနစ်ဖြင့် ရောင်းချပေးနေမှုအခြေအနေများ စိစစ်ကြပ်မတ် ဆောင်ရွက်ခဲ့ကြောင်း သိရှိရပါသည်။
DOCA(ရန်ကုန်)