ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် ကျုံတမာကျေးရွာ ထ-ခွဲကျောင်းတွင် လူငယ်အသိပညာပေးခြင်း၊ စားသုံးကာကွယ်ရေးသိကောင်းစရာများအကြောင်းကို (၅.၂.၂၀၂၃) ရက်နေ့ နံနက် (၁၀:၀၀)အချိန် မှ (၁၁:၄၅)အချိန် ကျောင်းသား/ ကျောင်းသူများကို အသိပညာပေး ဟောပြောပွဲပြုလုပ် ကျင်းပခဲ့ကြပါသည်။
အခမ်းအနားတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးအရာရှိမှ လူငယ်နှင့်ပေါင်းသင်းဆက်ဆံရေး၊ လူငယ်များ စာပေဗဟုသုတဖွံ့ဖြိုးရေးခေါင်းစဉ်ဖြင့် ဟောပြောပြီး၊ မြို့နယ် စားသုံးသူရေးရာဦးစီးဌာန မြို့နယ်ဦးစီးမှူး ဦးအောင်လွင်က စားသုံးသူကာကွယ်ရေးဥပဒေ (၂၀၁၉)ပါ အခန်း(၁၈) ကုန်အညွှန်အမှတ်အသား ဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များအကြောင်းကို လည်းကောင်း၊ စားသုံးသူအခွင့်အရေး(၈)ချက်အကြောင်း၊ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသား ပြည့်စုံစွာပါရှိသော ကုန်စည်ကို နမူနာပုံစံပြသကာ ထိုကဲ့သို့သော ကုန်စည်များကိုသာ အဓိကထားအသုံးပြုစားသောက်သင့်ကြောင်းကို သိရှိနားလည်နိုင်ရန်ဟောပြောခဲ့ပြီး၊ မြို့နယ်အားကစားနှင့်ကာယပညာဦးစီးဌာနက လူငယ်အားကစားခေါင်းစဉ်ဖြင့်လည်းကောင်း၊ အသိပညာပေး လက်ကမ်းစာစောင်များ ဖြန့်ဝေပေးခဲ့ပြီး ကျောင်းသား/ ကျောင်းသူများမှ စိတ်ဝင်တစားမေးမြန်းခဲ့ကြပြီး အခမ်းအနားသို့ (၁၉၈) ဦးတက်ရောက်ခဲ့ကြောင်း သိရသည်။
DOCA(ဧရာဝတီ)