ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့ အခြေခံပညာအထက်တန်းကျောင်း (အ.ထ.က-၁) တေဇခန်းမ၌ ကျောင်းသား/ကျောင်းသူ၊ ဆရာ/ဆရာမ (၂၂၅)ဦး အား စားသုံးသူကာကွယ်ရေး အသိပညာပေး ဟောပြောပွဲကို (၉.၂.၂၀၂၃) ရက်နေ့ နံနက် (၁၂:၃၀)မှ (၁၃:၀၀)နာရီအထိ ကျင်းပပြုလုပ်ခဲ့ပါသည်။
ဟောပြောပွဲတွင် အထက်တန်းကျောင်းအုပ်ဆရာကြီးက အဖွင့်အမှာစကား ပြောကြားပြီးနောက် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးဝင်းမင်းစိုးက စားသုံးသူများအနေဖြင့် စားသုံးသူတို့၏အခွင့်အရေးနှင့် တာဝန်များ၊ ဘေးအန္တရာယ် ရှိသော ကုန်စည် (သို့မဟုတ်) ဝန်ဆောင်မှု ဆိုသည်မှာ သက်ဆိုင်ရာ အစိုးရဌာန၊ အစိုးရအဖွဲ့အစည်းများက စားသုံးရန် သို့မဟုတ် အသုံးပြုရန်မသင့်ဟု သတ်မှတ်ထုတ်ပြန်ထားသော ကုန်စည် သို့မဟုတ် ဝန်ဆောင်မှုကို ဆိုလိုကြောင်း၊ ထို့ကြောင့် ကုန်အညွှန်းအမှတ်အသားပြည်စုံစွာဖော်ပြပါဝင်သော ကုန်စည်များကို ဦးစားပေးဝယ်ယူ သုံးစွဲကြရန် စားသုံးသူပြည်သူများအနေဖြင့် ကုန်စည်နှင့် ဝန်ဆောင်မှုများ ဝယ်ယူသုံးစွဲရာတွင် နစ်နာဆုံးရှံးမှုများရှိပါက ဆက်သွယ်တိုင်ကြားနိုင်သည့် နည်းလမ်းများကို လည်းကောင်း၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ လူငယ်များအား စာဖတ်ခြင်း၏အကျိုး၊ မူးယစ်ဆေးဝါး အန္တရာယ်နှင့် လူကုန်ကူးမှုအန္တရာယ်အကြောင်းတို့ကိုလည်းကောင်း ၊ အားကစားနှင့်ကာယပညာဦးစီးဌာနမှ အားကစားအဓိပ္ပာယ်၊ အားကစားအမျိုးအစားများ နှင့် အားကစားပြုလုပ်ရခြင်း၏ အကျိုးကျေးဇူးများအကြောင်းကိုလည်း အသိပညာပေးဟောပြောခဲ့ကြကြောင်း သိရှိရပါသည်။
DOCA(ဧရာဝတီ)