ကရင်ပြည်နယ်ကုန်သည်များနှင့်စက်မှုလက်မှုလုပ်ငန်းရှင်များအသင်း၊ ညီနောင်အသင်းနှင့် တွေ့ဆုံ၍ ကုန်သွယ်မှုဆိုင်ရာကိစ္စရပ်များ ဆွေးနွေး ကရင်စားသုံး

        စားသုံးသူရေးရာဦးစီးဌာန(ရုံးချုပ်)၊ ပြည်တွင်းကုန်သွယ်ရေးဖွံ့ဖြိုးမှုနှင့်သုတေသနဌာနခွဲမှ ညွှန်ကြားရေးမှူး ဦးဟန်ဝင်းကျော်သည် ၁၈-၂-၂၀၂၃ ရက်နေ့၊ စနေနေ့၊ ၁၇:၀၀ နာရီ အချိန်တွင် Hotel Perfect ၌ ကရင်ပြည်နယ်အတွင်းရှိကုန်သည်များနှင့်စက်မှုလက်မှုလုပ်ငန်းရှင်များအသင်း၊ စားသုံးဆီလုပ်ငန်းရှင်များအသင်း၊ ပဲ၊ ပြောင်း၊ နှမ်းလုပ်ငန်းရှင်များအသင်းနှင့်ညီနောင်အသင်းများအားတွေ့ဆုံ၍ကုန်သွယ်မှုဆိုင်ရာကိစ္စရပ်များကိုဆွေးနွေး ခဲ့ကြောင်းသိရသည်။

        အဆိုပါဆွေးနွေးပွဲတွင် ညွှန်ကြားရေးမှူး ဦးဟန်ဝင်းကျော်က ဌာနမှဆောင်ရွက်လျက်ရှိသည့် ပြည်တွင်းကုန်သွယ်မှုဖွံ့ဖြိုးရေးဆိုင်ရာကိစ္စရပ်များ အထောက်အကူဖြစ်စေရန်အတွက် ကုန်သွယ်မှုဆိုင်ရာကိန်းဂဏန်း အချက်အလက်များနှင့်သီးနှံဈေးနှုန်းဈေးကွက်နှင့်အခြေခံစားသောက်ကုန် ဈေးနှုန်းနှင့်ပတ်သက်၍ ဌာန၏ website တွင်လွှင့်တင်ဆောင်ရွက်ထားရှိမှုအခြေအနေများကို ရှင်းလင်းဆွေးနွေးခဲ့ပြီးနောက် တက်ရောက်လာသူကရင်ပြည်နယ်ကုန်သည်များနှင့်စက်မှုလက်မှုလုပ်ငန်းရှင်များအသင်း၊ ညီနောင်များအသင်းမှ ၎င်းတို့ဆောင်ရွက်လျက်ရှိသည့် အခြေအနေများကို အပြန်အလှန်ဆွေးနွေးခဲ့ပြီး တွေ့ကြုံရသည့်အခက်အခဲများကို တင်ပြဆွေးနွေးခဲ့ရာတင်ပြချက်များအပေါ် ညွှန်ကြားရေးမှူးက ပြန်လည်ရှင်းလင်း ဆွေးနွေးခဲ့ပြီး လိုအပ်သည်များကို သက်ဆိုင်ရာဌာနများနှင့်ချိတ်ဆက်ဆောင်ရွက်နိုင်ရေး ပေါင်းစပ်ဆောင်ရွက်ပေးခဲ့ပါသည်။

          ဆွေးနွေးပွဲတွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူး ဦးသန်းဦး၊ ဘားအံခရိုင်ဦးစီးမှုတာဝန်ခံများ၊ မြန်မာကုန်သွယ်မှုမြှင့်တင်ရေးအဖွဲ့၊ ဇွဲကပင်ကုန်သွယ်မှု ဗဟိုဌာနပြည်နယ်တာဝန်ခံ၊ ကရင်ပြည်နယ် ကုန်သည်များနှင့် စက်မှုလက်မှုလုပ်ငန်းရှင်များအသင်း၊ ကရင်ပြည်နယ် ပဲမျိုးစုံနှင့်ဆီထွက်သီးနှံများစိုက်ပျိုး၊ ထုတ်လုပ်၊ တင်ပို့၊ ရောင်းချသူများအသင်း၊ ကရင်ပြည်နယ်ပြောင်းအသင်း၊ ညီနောင်အသင်းအပါအဝင် စုစုပေါင်းလူဦးရေ  (၁၀) ဦးတက်ရောက်ခဲ့ကြောင်း သတင်းရရှိပါသည်။

DOCA(ကရင်)