မွန်ပြည်နယ်၊ ကျိုက်ထိုခရိုင်ဦးစီးမှူးဦးအောင်ကျော်မင်း(ဦးစီးအရာရှိ)နှင့် ဘီလင်းမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဝန်ထမ်းများသည် (၂၁.၂.၂၀၂၃) ရက်နေ့တွင် ဘီလင်းမြို့ပေါ် ရပ်ကွက်များရှိ စားသောက်ကုန်များအား အများဆုံး တင်သွင်းရောင်းချလျက်ရှိသော စတိုးဆိုင်များအား ဈေးကွက်ကွင်းဆင်း စစ်ဆေးခဲ့ပါသည်။
အဆိုပါဆိုင်များရှိ ပြည်ပမှတင်သွင်းလာသောစားသုံးဆီနှင့် ဟင်းခတ်အချိုမှုန့်များ၏ ထုပ်ပိုးမှုပေါ်တွင် ကုန်အညွှန်းအမှတ်အသားနှင့်ပတ်သက်၍ ပါရှိရမည့်အချက်အလက်များအား အဓိကထား စစ်ဆေးခဲ့ကြပြီးနောက် ဈေးကွက်အတွင်း ဘေးအန္တရာယ်ကင်းရှင်းသော စားသောက်ကုန်များကိုသာ ရောင်းချကြရန်နှင့် စားသုံးရန်မသင့်သော စားသောက်ကုန်များအား ရောင်းချခြင်းမပြုကြရန်နှင့် စီးပွားရေးလုပ်ငန်းရှင်များ၏ တာဝန်ဝတ္တရားများနှင့် ကုန်အညွှန်းအမှတ်သားများ နှင့်ပတ်သက်သော အကြောင်းအရာများကို သိရှိနားလည်စေရန်တို့အား အသိပညာပေး ပြောကြားခဲ့ကြောင်း သတင်းရရှိပါသည်။
DOCA(မွန်)