စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်း ဒေသကြီး၊ တိုင်းဒေသကြီးဦးစီးမှူးရုံးအပါအဝင် ခရိုင်များ၊ မြို့နယ်များရှိစားသုံးသူရေးရာဦးစီးမှူးရုံးမှ ဝန်ထမ်းများသည် စားသုံးသူကာကွယ်ရေးအသိပညာပေးခြင်း၊ ထုတ်ကုန်လုံခြုံစိတ်ချရမှု ရှိစေရန် ဈေးကွက်စောင့်ကြည့်စစ်ဆေးခြင်းနှင့် လုပ်ငန်းရှင်များကို တွေ့ဆုံဆွေးနွေးအသိပညာ ပေးခြင်းလုပ်ငန်းများကို စဉ်ဆက်မပြတ် ဆောင်ရွက်လျက်ရှိပါသည်။
စစ်ကိုင်းတိုင်းဒေသကြီး စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးအနေဖြင့် (၂၂.၂.၂၀၂၃) ရက်နေ့တွင် ဒုတိယညွှန်ကြားရေးမှူး ဦးဝေဖြိုးထက်နှင့် ဝန်ထမ်းများသည် စစ်ကိုင်းတိုင်းဒေသကြီး၊ တိုင်းဒေသကြီးကျေးလက်ဒေသဖွံဖြိုးရေးဦးစီးဌာနသို့ သွားရောက်၍ စားသုံးသူကာကွယ်ရေး အသိပညာပေးဆွေးနွေးရာတွင် ဒုတိယညွှန်ကြားရေးမှူးက စားသုံးကာကွယ်ရေးအကြောင်း သိကောင်းစရာများ ခေါင်းစဉ်ဖြင့် စားသုံးသူအခွင့်အရေးနှင့် တာဝန်များအကြောင်းကိုလည်းကောင်း၊ စားသုံးသူနစ်နာဆုံးရှုံးမှုရှိပါက ဌာနသို့ ဆက်သွယ်တိုင်ကြားနိုင်သည့် နည်းလမ်းများနှင့် မိမိတို့ဌာနမှ ဖြေရှင်းပေးသော ဖြစ်စဉ်များကိုလည်းကောင်း၊ စားသုံးသူများအနေဖြင့် ကုန်စည်များကို ဝယ်ယူအသုံးပြုရာတွင် ကုန်အညွှန်းအမှတ်အသားအား အလေးထားကြည့်ရှုကြရန် အသိပညာပေးဆွေးနွေးခဲ့ကြောင်း သိရှိရပါသည်။ အဆိုပါဟောပြောပွဲတွင် ကျေးလက်ဒေသဖွံဖြိုးတိုးတက်ရေးဦးစီးဌာနမှ ဝန်ထမ်း အင်အား (၅၀)ခန့် တက်ရောက်ခဲ့ပြီး သိရှိလိုသည့်မေးမြန်းဆွေးနွေးချက်များအပေါ် ပြန်လည်ဖြေကြားပေးခဲ့ပြီး စားသုံးသူရေးရာလက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။
DOCA(စစ်ကိုင်း)